DISTINCTIO XXII (ae).

Hic quaeritur utrum in illo triduo etc. *. Magister aliquando fuit de hac opinione, quae dicebat quod divinitas suscepit humanitatem tamquam habitum , et ideo dixit quod Christus fuit homo in triduo .

a. Super illud: Tu es sacerdos, in Psalmo : Christus secundum quod homo fuit sacerdos, et non desiit esse sacerdos ; ergo non desiit esse homo. - Dicendum quod Christus dicebatur esse sacerdos 'in aeternum' quoniam sacerdotio eius non successit sacerdotium alterius.

Utrum fuit sacerdos in triduo ? Dicendum quod habitu fuit sacerdos in triduo, sed non actu; quoniam non fuit sacerdos actu, nisi quando obtulit se passioni et quando sacramenta fluxerunt a latere eius.

b. Christus in triduo fuit rationalis ratione creata : aut ergo in triduo fuit homo vel angelus: sed non angelus: ergo homo, quoniam erat corporeum, rationale. - Dicendum quod Filius Dei habuit animam rationalem in triduo sibi coniunctam ; sed propter hoc non erat homo, quoniam oportuit ad hoc quod esset homo, ut haberet animam rationalem tamquam principium sui; sed sic non habuit Filius Dei animam sibi coniunctam in triduo (= n. 15).

Anima coniuncta divinitati habet aliquid quod ipsa separata non haberet, quoniam scientiam omnium; similiter et corpus Quaeratur utrum Filius Dei habuit aliquid quod non ab aeternitate habuit per assumptionem humanae naturae. - Dicendum quod, cum temporale unitur aeterno, aliquid fit in temporali quod non prius fuit, sed tamen nihil in aeterno; et hoc quoniam nihil deest naturae aeternae (= n. 16).

Piscatoribus creditur, non dialecticis [650,17-18]. Ambrosius : " Verba Philosophorum excludit simplicitas piscatorum).

Hic quaeritur si Christus in morte etc. *. a. Augustinus, Ad Dardanum : " Cavendum est ne ita divinitatem astruamus hominis, ut veritatem corporis auferamus. Non est autem consequens, ut quod est in Deo, ita sit ubique ut Deus. Nam de nobis dicit Scriptura, scilicet 17 Act., 28: In illo vivimus, movemur et sumus: non tamen nos sicut ille ubique sumus. Quoniam aliter homo ille est in Deo, et aliter Deus in illo homine " (= n. 17).

b. Videtur quod Christus, secundum quod homo est, poterit esse ubique, quoniam Christus simpliciter. Et corpus Christi sub specie panis potest esse in pluribus locis, et non determinatur in quot: quare videtur quod ubique. Et hoc non videtur nisi per participationem divinae naturae Ergo similiter et corpus hominis sive homo, cum unitur divinitati, poterit esse ubique - Dicendum quod, sicut convenit alicui esse hic, ut singulari sive sensibili, et convenit alicui esse in pluribus locis, ut opinabili, et alicui esse ubique, ut scibili : similiter dicendum quod creatura secundum se est in uno loco solum, et Creator secundum se ubique; sicut creatura coniuncti Creatori, in pluribus locis simul esse potest (= n. 19).

6. [Et in inferno, 651, 17]. Augustinus, Ad Dar datam :"Non facile alicubi scripturarum nomen inferni invenitur in bono. Unde quaeri solet: Si nonnisi poenalia recte intelliguntur inferna, quomodo animam Iesu Christi pie credamus esse in inferno ? Respondetur dicendo, ideo eum descendisse, ut quibus oportuit subveniret. Unde Petrus, 2 Act., 24, dicit eum solvisse dolores inferni, in quibus impossibile erat teneri ".

Secundum hominem *. Argumentum quod secundum hominem in pluribus locis est (= n. 20).

[Ad infernum descendit, 652,13]. Augustinus : "Divinitas secundum carnem, id est naturam hominis, descendit ad inferos ; caro secundum divinitatem ascendit ad caelos".

Dicitur in littera quod Christus est 'in his singulis' *. Sed VII distinctione supra, contrarium , cap. In hunc modum

• : " Christus est nomen duarum naturarum repraesentativum" [585, 21-23]. - Dicendum quod Christus aliquando nominat personam unitivam, et sic in his singulis est ; aliquando nominat unitum ex divina et humana natura (= n. 21).

[illuminabat infernum, 652, 25]. Ioannes Damascenus : " Descendit ad infernum anima deificata, ut quemadmodum iis qui in terra sunt ortus est sol iustitiae , ita eis qui sub terra in tenebris et umbra mortis sedent superlucescat" n. 22).

[Apud inferos resurrectio, 653,12-13]. Augustinus, Super Genesim : "Propter duo inferna, quorum unum superius et alterum sub pedibus, missus est Dei Filius, undique liberans, ad hoc nascendo, ad illud moriendo" *. - Utrum Christus apud inferos fuit redemptor. Contrarium, XIX distinctione, cap. Unde ipse vere

• : " Saepius dicitur secundum humanam naturam redemptor" *. - Dicendum quod 'redemptor' dicitur vel usu, vel potestate, vel exhibitione motus humilitatis vel obedientiae (= n. 22). ,

[Vita viventium, 653,14]. Aliter coniungitur divinitas carni et animae, et aliter cuilibet creaturae. Unde Augustinus : "Corruptibilis est omnis caro et in putredinem defluit, nisi quodam condimento animae teneatur ".

Solet etiam quaeri etc. *. Utrum Christus fuit 'Iesus' in triduo. Videtur quod non, quoniam non fuit homo in triduo, et 'Iesus' fuit nomen hominis individui. - Dicendum quod est nomen vocis et est nomen rei; sed nomen rei, aut est nomen secundum habitum, aut est nomen secundum actum. Primo modo fuit 'Iesus' nomen ipsius in triduo, secundo modo non (= n. 23).

Sap., 1: Non est agnitus qui reversus est ab inferis. 16 Luc., 26: Chaos magnum factum est inter nos et vos, ut non possint etc. . - Contrarium in Psalmo : Eruisti animam meam ex inferno inferiori. Super illud: Tu vero in sanguine, 9 Zach., 11 : "Illos qui tenebantur in inferni carceribus, in quo nulla refrigeravit misericordia quam dives requirebat , tua liberasti misericordia".

Dicendum quod infernus inferior dicitur respectu superioris qui est in terra, et non respectu limbi inferni. Unde Augustinus, Super Genesim : "Infernum inferius est respectu huius inferni, in quo sumus in hac carne et mortalitate. Corpus enim mortuum est propter peccatum . Ergo et hic sunt mortui, ut non mireris quia infernus dicitur quod mortuis abundat " (= n. 24).

Ioannes Damascenus : "Descendere et ascendere sunt actiones circumscripta corporis ". Constat autem quod nullum erat corpus in caelo quod descendit ; ergo nullum erat quod ascendit. Filius enim Dei est ubique; ergo non mutat locum. - Dicendum quod descendere est se carni unire Augustinus, De baptismo parvulorum , loquitur de isto descensu * (= n. 26).