DISTINCTIO X (ae).

Solet etiam a quibusdam inquiri utrum Christus secundum quod homo sit persona [593,13-14]; [Secundum enim, 594,7]. Haec dictio 'seundum' aliquando notat unitatem personae, u ' Christus secundum quod homo dimittit peccata'. Aliquando conditionem divinae naturae, ut 'Christus secundum quod Deus est misericors'. Aliquando notat causam efficientem, ut ' Christus secundum quod Deus resurrexit' Aliquando causam materialem, ut 'Christus secundum quod est homo redemit nos' . Aliquando causam formalem, ut 'Christus secundum quod est homo est aliquid'. Aliquando notat quasi formalem, ut 'Christus secundum quod Deus est aliquid'. Aliquando notat conditionem humanae naturae, ut 'Christus secundum quod homo mortuus est'* (= n. 8).

a. Anselmus, De incarnatione Verbi : " Sicut Pater est Deus et Filius est Deus, ita in Christo Deus est persona et homo est persona ". Sed ibi est praedicatio essentialis: ergo hic; ergo secundum quod homo est persona.

b. Adhuc, 'quidquid dicitur de Filio Dei, et de isto homine' ; sed Filius Dei est persona; ergo iste homo est persona. - Item, Christus est aliquid secundum quod homo ; ergo est hoc aliquid secundum quod iste homo. Sed hoc aliquid est 'individua substantia' etc. ; ergo persona*.

c. Dicendum ergo quod illa praedicata quae conveniunt per gratiam, dicuntur de isto homine simpliciter, non tamen de Filio Dei, ut praedestinatus, adoptivus ; sed illa praedicata quae insunt per naturam, simpliciter conveniunt Filio Dei, ut passus, natus (= nn. 9-10).

Si vero quaeritur etc. * ; ut dicitur Deus natura *. Natura aliquando sumitur pro essentia, et sic dicitur Deus natura. Aliquando dicit ipsam virtutem, et sic Filius dicitur natura (= n. 11).

Sed ad hoc opponitur etc. *. Utrum 'filius' dicitur aequivoce de Filio Dei et de Filio beatae Mariae. Et sic videtur, quoniam Filius Mariae est per decisionem, et Filius Dei non per decisionem.

Dicendum est quod nec dicitur aequivoce nec univoce, sed ambigue, et hoc est secundum prius et posterius.

Quaeratur utrum Adam in statu innocentiae fuit filius naturalis vel adoptivus. Constat quod non naturalis, quoniam fuit creatura ; nec adoptivus, quoniam tunc de non filio fieret filius. Augustinus : "Cum nascuntur pueri, neque sunt filii Dei, neque diaboli. Vide ergo operibus et professione filios creari diabolo ".

[Non per adoptionem, 595, 26]. a. Hilarius, De Trinitate : "Potestatis dignitas non amittitur, dum carnis humanitas adoptatur"; ergo secundum quod homo est filius adoptivus (=n. 14).

a (25) Contra, Ambrosius in Glossa , in principio ad Romanos : " Volvi et revolvi Scripturas divinas, et Filium Dei nunquam adoptivum inveni" (+ E).

b. Christus secundum quod homo dicitur creatura: quare non similiter dicitur adoptivus secundum quod homo est i - Dicendum quod non, quoniam adoptio respicit alterationem , et creatura respicit generationem.

c. Augustinus, De vocatione sanctorum : "Ea gratia fit ab initio fidei homo quicumque christianus, qua gratia ille homo ab initio factus est Christus". - Dicendum quod gratia dicitur ibi Spiritus Sancti virtus, qua conceptus est de Virgine *.

Deinde etc. *; esse praedestinatum *. Hilarius, in libro De synodis : " Si quis secundum [prae] scientiam vel praedestinationem ante Mariam Virginem Filium esse dicit, et [non] ante saecula ex Patre natum, anathema sit".