DISTINCTIO XXXVII.

Sunt autem et alii etc. *. Illa quoque Augustini verba etc. *. Dionysius : " Non est natura mala, sed hoc est naturae malum, non posse quae sunt propriae naturae perficere ".

Ex quo colligitur etc. *. a. Super illud: Super terram sine fundamento, 6 Luc, 49, Beda : " Diabolus trahit ad peccatum, ubi non est fundamentum nec substantia, quoniam malum sine substantia est ", et ita non res.

Anselmus : Posse peccare non est posse aliquid.

b. Super illud: Nihil est idolum, I Cor. 8, 4 : " Inter creaturas mundi nihil est idolum. Materiam enim Deus formavit, sed stultitia hominum formam apposuit. Forma enim idoli non est facta per Verbum, sicut nec peccatum est factum per Verbum, sed est nihil. Unde omnes facti sunt nihil cum peccant " .

c . Super Semen ab initio, 12 Sap., 11, contra : " Ex quo fuerunt in praescientia, fuit quaedam prava qualitas in ipsis maledictione digna ".

d. Super illud: Numquid iniquus est Deus, 3 Rom., 5 : " Illius rei Deus est ultor, cuius non est auctor " .

e. Super illud: Sicut per inobedientiam unius hominis, 5 Rom., 19 : " Pertransivit opus operis Dei per opus Dei; venit ad parvulos, qui in radice nihil commiserunt " ;; et ita originale peccatum est opus Dei.

f. Super illud: Et masculi, 1 Rom., 27 : " A desideriis suis, quae a se ipso sunt, et non a Deo " etc. In eadem Glossa: " Naturalis usus est, et tamen culpabilis ".

g. Super Tradere huiusmodi hominem, 1 Cor. 5, 5 : " Omnis carnalis voluptas est a diabolo " ;; et ita aliquid a diabolo.

h. Super illud: Propter quod tradidit, 1 Rom.,24 : " Deus dicitur cooperari in cordibus nostris ad inclinandas hominum voluntates in malum "; et ita malum a Deo.

i. Ad primo obiectum dicendum quod ' res ' uno modo dicitur omne illud quod habet esse ordinatum a Deo ;; et sic peccatum non est res. Alio modo dicitur 'es' omne illud quod vel per se vel per suum oppositum capi potest; et sic omnis privatio res dicitur. Et isto modo dicitur : " Deus illius rei est ultor" etc.

k. Ad aliud dicendum quod 'qualitas digna maledictione' dicitur fomes ut est pronitas; et illa, ut est qualitas, a Deo est: et ut est prava, ab homine est; et ut maledicta, a diabolo suggerente.

l. Ad aliud dicendum quod malum, ut est deformitas, sine substantia est ;; sed ut est actio, natura aliqua est.

m. Ad aliud dicendum quod una forma ab homine data est et alia a Deo: si enim imago sumatur pro eo cuius est imago, sic nihil est: vel si accipiatur ut signum illius est, sic aliquo modo est aliquid: si vero accipiatur pro ipsa forma ut in materia est, sic simpliciter est aliquid et a Deo.

n. Ad aliud dicendum quod non sequitur: 'est opus operis Dei: ergo est opus Dei ' ;; sed bene sequeretur si esset opus operis Dei, et ut illud est opus Dei.

o. Ad aliud dicendum quod usus naturalis non esset culpabilis, nisi recederet a summo bono.

p. Ad aliud dicendum quod carnalis voluptas duo dicit scilicet ' voluntatem ' et 'improbam' , et sic a Deo, et sic a diabolo.

q. Ad aliud dicendum quod dicitur Deus cooperari in cordibus nostris quando quis semel peccat, et permittit ipsum iterum peccare , quoniam iustum est, ut qui in sordibus est, sordescat adhuc .

in hoc verbo etc. *. Utrum eadem actio sit bona et mala.

a. Quod videtur, 29 Ezech., 18-19: Fecit mihi exercitum suum servire in Tyro, et ego dabo ei terram Aegypti; et ita Dominus remuneravit actionem suam praemio temporali. Et fuit mortale peccatum tamen, et ita illa actio erat meritoria et demeritoria, et ita bona et mala .

b. Super illud: Numquid feriet tecum pactum, 40 Iob, 23, Glossa: " Haec tentationis licentia pactum vocatur, in qua [et] desiderium tentatoris agitur, et tamen per eum miro modo voluntas dispensatoris iusti impletur". Et sic eadem actio Dei et diaboli erit, et ita eadem actio bona et mala.

c. Super illud: Numquid gloriabitur securis, 10 1s., 15, Glossa: " Sicut haec inanimata tantum sunt instrumenta nihil per se facientia, sed per eum qui movet ea, sic nec Sennacherib per se, sed Dei virtute operatus est ;; unde gloriatio eius stulta fuit, sed ultio eius digna fuit".

d. Ad praedicta dicendum quod eadem actio potest esse meritoria praemii temporalis, et demeritoria praemii aeterni.

e. Ad aliud dicendum quod voluntate Dei et desiderio diaboli eadem actio completur, id est eadem res quae agitur, sed voluntate Dei ad augmentum patientiae, et desiderio diaboli ad ruinam.

f. Ad aliud dicendum quod Sennacherib fuit instrumentum, prout illa fuit debellatio ordinata in malum poenae, non culpae-

[Deus mortem non fecit, 508, 32]. Augustinus, XIII De civitate Dei : " Mors mala est, quoniam est stipendium peccati : sed quemadmodum iniusti male utuntur malis, et non tantum iis, sed etiam bonis ;; sic iusti bene utuntur bonis et etiam malis".

Augustinus, in eodem : "Quantum attinet ad corporis separationem ab anima, mors nulli bona est". - Augustinus, De vera religione : " Una est salus omnium, summa et prima essentia, ex qua est omne quod est, in quantum est. II Et ideo [ex Deo] non est mors; quoniam summa essentia facit esse omne quod vera essentia dicitur, mors autem cogit non esse quod moritur". Unde in libro Sap. : Deus mortem non fecit. - Augustinus, XIII De civitate Dei : " Nihil pretiosius quam mors, per quam omnia debita dimittuntur et merita cumulantur".