DISTINCTIO XX.

Nunc autem *; Nec bi tres *. Hilarius, libro De Trinitate VII , exponens verbum 5 Ioan., 17: Omnia quae operatur Pater, et Filius: " In iis quae et quaecumque et eadem sunt, nec diversitas esse potest nec reliquum: atque ita est in eadem natura, cui omnia posse naturae sit. Ubi vero per Filium omnia similiter fiunt, similitudo operum similitudinem operantis excludit".

Nihil, Inquit; Omnia quae habet Pater [138,10-11]. Hilarius, VII De Trinitate : " Ut per corporalem significationem virtutem eiusdem naturae nosse possis, commemorata est Filii manus, Patris manus, quia natura Patris est in Filio".

Gignendo dedit potentiam *. Hilarius, VII De Trinitate : "Quod accepit a Patre maius est omnibus , et quod accepit est In eo qui accepit nascendo ".

Si non potuerit, Infirmus *. Contra: posse gignere non est posse aliquid ; ergo non posse non dicit Impotentiam. -Respondeo: Augustinus bene procedit secundum concessum ab haeretico .

Formam: gignere [139, 20-22]. Sed Idem est quod essentia; ergo essentia gignitur.

Respondeo: forma non sumitur pro essentia vel natura, sed pro imagine .

Hoc per similitudinem * ; cur non aequalem genuit *. Augustinus, super hunc locum Ioannis : Nemo venit ad me nisi Pater meus traxerit eum, I n originali : " Eum qui cogitat atque sentit et In fide sua ruminat aequalem Patri esse eum In quem credidit, Ipsum trahit Pater ad Filium. Arius credidit creaturam, non eum traxit Pater, quia non considerat Patrem, qui Filium non credit aequalem. Photinus dixit: Homo solum est Christus, non est Deus. Qui sic credit, non eum trahit Deus. Vide quia tractus est Petrus, cum dictum est ei: Beatus es, Simon Bar Iona . Ramum viridem ostendis ovi et trahis illam, nuces puero. Et quae maior tractio quam amoris"

Ad aequalitatem pertinet qualis [140, 7-9]. Contra: immo ad qualitatem . - Respondeo: est aequalitas secundum maius et minus et aequum; alia secundum magis et minus et aeque intensum. Una est aequalitas corporum, alia formarum. Unde, ut utramque ostenderet, locutus est secundum hunc modum: qualis aut quantus.

Ordo natorae ostenditur *. a. Sed ordo naturae determinatur penes prius et posterius aut simul ; sed per hoc quod ' Filius a Patre' non ostenditur simul ; ergo in Trinitate est prius et posterius.

b. Item, prius natura sequitur ad principium : sed Pater est principium Filii ; ergo prius natura.

c. Item, ostenditur ordo naturae, sed natura idem quod substantia in divinis ; ergo ostenditur ordo substantiae vel essentiae. Contra substantia vel essentia ante istum ordinem est intellecta nec ordinatur ad personam. Ordo enim dupliciter dicitur: vel quia est principium ordinis, vel quia ordinatur ; et hoc non est hic nec sic nec sic, quia simul sunt una essentia, et sic non principium ordinis. Praeterea, principium ordinis dicitur respective, essentia absolute.

d. Praeterea, ordo In divinis aut dicitur essentialiter: quod non videtur, quia secundum ordinem persona dicitur ad personam et non secundum essentiam ; ergo prima. - Aut dicitur personaliter. Contra: persona est cui attribuitur esse ad aliquid ; ordo est secundum quod est esse ad aliquid ; ergo hoc nomen 'ordo' non dicitur personaliter. Praeterea, quod dicitur personaliter, dicitur secundum substantiam, ut hypostasis; sed ordo non dicitur secundum substantiam ; ergo prima.

Aut tenetur notionaliter. Contra: omne quod notionaliter dicitur, est distinctivum alicuius personae ; sed ordo non est distinctivum personae: ergo non dicitur notionaliter.

e. Respondeo: licet ordo sit In divinis, non tamen prius et posterius, quia hae dispositiones, ut dicit Philosophus , proprie dicuntur tempore vel duratione, quae a Trinitate removentur, eo quod In personis est aeternitas. Ordo autem non dicitur primo secundum prius et posterius, Immo primo In Iis quae secundum rationem: ratio autem est In divinis et non tempus.

f. Ad aliud dicendum: principium non semper ponit prius, sed solum quando est diversitas essentiae vel substantiae, ut In causa et causato ; sed in divinis est unitas essentiae et substantiae. Nec etiam conceditur 'Pater prior natura Filio', quia non est altera In Illis essentia.

g. Ad aliud: essentia dicit quo res est, substantia quo res subsistit, natura quo res est principium esse vel fieri in altero . Et ideo, cum essentia vel substantia non dicat rationem procedendi personam a persona, immo natura, ideo dicitur ordo naturae, non essentiae, cum tamen idem sit, differens in ratione .

h. Ad aliud respondeo: hoc nomen 'ordo' dicit notionem indistincte. Cum enim dicitur 'Pater est principium' nullam distinguit hic notionem, nisi dicatur Patris respecta Filii vel Spiritus Sancti. Similiter cum dicitur ordo. Notio ergo distinctiva est, notio ut notio, non quando indistincte dicitur, sed quando inter extrema ponitur