QUAESTIO III.

UTRUM OMNES HOMINES APPETANT BEATITUDINEM ULTERius, circa eamdem distinctionem, quaeritur : Utrum omnes homines appetant beatitudinem. Et arguitur quod non. Nullus enim vult illud quod ignorat, ut palet per Augustinum in libro 10. de Trinitate (cap. 2), et per Philosophum, qui dicit, 3. de Anima (t. c. 50, etc), quod objectum voluntatis est appetibile apprehensum. Sed nonomnes cognoscunt beatitudinem, cum multi circa beatitudinem erraverint. Ergo non omnes appetunt beatitudinem. In oppositum arguitur. Quia Boetius, 3. de Consolatione (pr. 2), probat quod mentibus omnium hominum veri boni cupiditas est inserta. Verum autem bonum dicit beatitudinem. Ergo beatitudo ab omnibus appetitur. In hac quaestione erunt tres articuli. In primo ponentur conclusiones. In secundo, obiectiones. In terlio, solutiones.