ARTICULUS I.

PONUNTUR CONCLUSIONES Quantum ad primum articulum, sit Prima conclusio : Quod verum corpus Christi est in Sacramento Eucharistiae secundum veritatem, et non solum sicui in sijjno, vel secundum solam figuram. Hanc ponit sanctus Thomas, 3 p., q. 75, art. 1, ubi sic dicit : " Verum corpus Christi et sanguinem esse in hoc sacramento, neque sensu, neque ratione deprehendi potest, sed sola fide tenetur, quae divinoe auctoritati innititur. Unde, super illud Lucae 22 (v. 19), Hoc est corpus meum, etc, dicit Cyrillus: Non dubites an hoc sit verum; sed potius suscipe verba Salvatoris in fide; cum enim sit veritas, non mentitur. Hoc autem conveniens est, pruno quidem perfectioni novae legis. Sacrificia enim veteris legis illud verum sacrificium passionis Christi continebant solum in figura, secundum illud Hebrxor. 10 (v. 1) : Umbram habet lex futurorum bonorum, non ipsam rerum imaginem. Et ideo oportuit ut aliquid plus haberet sacrificium novae legis a Christo institutum, ut scilicet contineret ipsum Christum passum, non solum in signo vel figura, sed etiam in rei veritate. Et ideo ipsum sacramentum, quod ipsum Christum realiter continet, ut dicit Dionysius, 3 cap. Ecclesiastiae Hic-rarchiae, est perfectissimum omnium sacramentorum aliorum, in quibus virtus Christi participatur. Secundo hoc competit charitati Christi, ex qua pro salute nostra corpus verum naturae nostra assumpsit. Et quia maxime proprium est amicis convivere, prout dicit Philosophus, 9. Ethicorum (cap. 12), sui praesentiam corporalem nobis repromittit in praemium, Matth. 24 (v. 28) : Ubi fuerit corpus, ibi congregabuntur et aquilae. Interim tamen nec sua prasentia corporali nos(oc) in hac peregrinatione destituit; sed per veritatem (a)corporis et sanguinis sui nos sibi conjungit in hoc sacramento. Unde ipse dicit, Joan. 6 (v. 57) : Qui manducat carnem meam, et bibit sanguinem meum, in me manet, et ego in eo. Unde hoc sacramentum est maximae charitatis signum, et nostrae spei sublevamentum, ex tam familiari conjunctione Christi ad nos. Tertio hoc competit fidei perfectioni, quae, sicut est de divinitate Christi, ita est de ejus humanitate, secundum illud Joan. 14 (v. 1): Creditis in Deum, et in me credite. Et quia fides est invisibilium, sicut divinitatem suam nobis exhibet Christus invisibiliter, ita et in hoc sacramento carnem suam nobis exhibet invisibili modo. Quae quidam non attendentes, posuerunt corpus Christi et sanguinem non esse in sacramento nisi sicut in signo; quod est tanquam haereticum abjiciendum, utpote verbis Christi contrarium. Unde et Berengarius, qui primus inventor hujus erroris fuerat, postea coactus est suum errorem revocare, et veritatem fidei confiteri. "

Haec ille. Item, 4. Senteni., dist. 10, q. 1, art. 1, sic dicit : (( Sub Sacramento Altaris continetur verum corpus Christi, quod de Virgine traxit. Et contrarium dicere, est haereticum; quia derogat veritati Scriptura, qua Dominus dicit (Matth. 26, v. 26; Marc. 14, v. 22; Luc. 22, v. 19) : Hoc est corpus meum. Ratio autem quare oportet quod Christus in hoc sacramento contineatur, est quia non ita perfecte nobis Christus conjungeretur, si sola illa sacramenta haberemus, in quibus conjungitur nobis Christus per virtutem suam in illis sacramentis participatam; et ideo oporiet esse aliquod sacramentum, in (6) quo Christus non participative, sed per suam essentiam, contineatur, ut sit perfecta conjunctio capitis ad membra. Consequuntur etiam multae aliae utilitates : sicut est ostensio maximae charitatis, in hoc quod seipsum dat nobis in cibum; et sublevatio spei, ex tam familiari conjunctione ad ipsum; et maximum meritum fidei, in hoc quod in hoc sacramento creduntur multa, quae non solum sunt prater rationem, sed etiam contra sensum, ut videtur; et multae aliae utilitates, quae sufficienter explicari non possunt. "

Haec ille. Ex quihus possunt formari multae rationes pro conclusione. Prima : quia conclusio competit perfectioni novae legis, perfectioni charitatis Christi, per-fectionique fidei et spei nostrae. Secunda : quia hoc competit perfeclae conjunctioni capitis ad membra. Tertia : quia oppositum conclusionis derogat omnibus supradictis, et insuper est condemnatum tanquam haereticum. Secunda conclusio est quod verum corpus Christi, per hoc quod incipit esse realiter in sacramento in terris, non desinit esse realiter in coelis; immo simul est in caelo localiter, et in terra vel altari sacramentaliter, et in diversis locis et altaribus in terra simul. Hanc ponit sanctus Thomas, in Quarto, ubi supra (dist. 10, q. 1, art. 1), in solutione quinti, ubi sic dicit : " Nullum corpus comparatur ad locum, nisi mediantibus dimensionibus quantitativis; et ideo ibi est aliquod corpus ut in loco, ubi commensurantur dimensiones ejus dimensionibus loci. Et, secundum hoc, corpus Christi non est nisi in uno loco tantum, scilicet in coelo. Sed quia substantia panis conversa est in corpus Cbristi, quae prius erat in hoc loco determinato mediantibus dimensionibussuis, quae manent transsubstanliatione facta; ideo manet locus, non quidem immediate habens ordinem ad corpus Christi secundum proprias dimensiones, sed secundum dimensiones panis remanentes, sub quibus succedit corpus Christi substantioe panis. Et ideo non est hic ut in loco, per se loquendo, sed ut in sacramento, non solum significante, sed continente ipsum ex vi conversionis factae. Et sic patet quod corpus Christi non est extra terminos sui loci per illum modum per quem convenit ei esse alicubi, vel esse extra aliquid, ex dimensionibus propriis. Esse autem alicubi per commensurationem propriarum dimensionum, est per se esse alicubi; et similiter, esse extra aliquid secundum situm propriarum dimensionum, est esse extra aliquid per se. Sed corpus Christi est extra terminos loci qui competit ei secundum proprias dimensiones, quasi per accidens. Et hoc modo est sub sacramento; quia competit ei esse alicubi ratione illarum dimensionum quae remanserunt ex illo corpore quod conversum est in corpus Christi. "

Haec ille. Simile dicit, 3 p., q. 75, art. 1, in solutione tertii, ubi sic dicit : " Corpus Christi non est eo modo in sacramento, sicut corpus in loco, quod suis dimensionibus loco commensuratur; sed quodam speciali modo, qui est proprius huic sacramento. Unde non dicimus quod corpus Christi est in diversis altaribus sicut in diversis locis, sed sicut in sacramento, etc. " Item, art. 2, sic dicit : a. Corpus Christi non incipit esse in hoc sacramento per motum localem. Primo quidem, quia sequeretur quod desineret esse in caelo : non enim quod movetur localiter, pervenit de novo ad aliquem locum, nisi deserat priorem. Secundo, quia omne corpus localiter motum pertransit omnia media; quod hic dici non potest. Tertio, quia impossibile est quod unus motus ejusdem corporis localiter moti terminetur simul ad diversa loca, cum tamen in pluribus locis corpus Christi sub hoc sacramento esse simul incipiat, etc."

Haec ille. Ex quibus potest formari pro conclusione talis ratio : Ea quae nullam important contradictionem, oppositionem, aut quamcumque repugnantiam, vel ^compossibilitatem circa idem subjectum, si possunt (oc) eidem successive inesse, et similiter possunt eidem simul inesse, saltem per Dei potentiam. Sed esse in diversis locis, in uno per se, et in alio per accidens, se liabent hoc modo circa Christi corpus. Ergo possunt simul inesse corpori Christi. Et in hoc primus articulus terminatur.