ARTICULUS I.

PONUNTUR CONCLUSIONES Quantum ad primum articulum, sit Prima conclusio : Quod Christus est totus et totaliter in hoc sacramento, quoad omnem sui substantiam. Hanc ponit sanctus Thomas, 3 p., q. 70, art. 1, dicens : " Omnino necesse est confiteri, secundum fidem catholicam, quod totus Christus sit in hoc sacramento. Sciendum est tamen quod aliquid est in hoc sacramento dupliciter : uno modo, ex vi sacramenti; alio modo, ex naturali concomitantia. Ex vi quidem sacramenti est sub speciebus hujus sacramenti id in quod directe convertitur substantia panis et vini praeexsistens, prout significatur per verba formae, quoe sunt effectiva in hoc sacramento, sicut et in caeteris : puta cum dicitur, Hoc est corpus meum, Hic est sanguis meus. Ex naturali autem concomitantia est in hoc sacramento illud quod est realiter conjunctum ei in quod praedicta conversio terminatur. Si enim aliqua duo sunt realiter conjuncta, ubicumque est unum realiter, oportet et aliud esse. Sola enim operatione animae distinguuntur quae sunt realiter conjuncta, "

Haec ille. Item, q. 75, art. 6, in solutione secundi, sic dicit : " Anima est forma corporis, dans ei totum ordinem esse perfectivi, scilicet esse, et esse corporeum, et esse animatum, et sic de aliis. Convertitur ergo forma panis in formam corporis Christi, secundum quod dat esse corporeum, non autem secundum quod dat esse Animatum tali anima. "

Haec ille. Similia ponit, praesenti distinctione, q. 1, art. 2, in solutione primae quaestiunculae. Item, dist. 11, q. l,art. 1, q 3, arguit sic, secundo loco : " Illud quod non mutatur in aliquid corporis Cbristi, oportet quod post consecrationem maneat. Sed forma substantialis panis non convertitur in aliquid corporis Christi : quia, si converteretur, oporteret quod converteretur in animam, qino est forma substantialis corporis Christi, in quam non convertitur aliquid. Ergo forma substantialis panis manet sicut accidentia. " Ecce argumentum. Sequitur responsio: " Dicendum, inquit, quod anima non est forma quae perficiat uniformiter suum perfectibile in toto et in omnibus partibus; unde singulae partes ex anima consequuntur perfectionem eis proportionabilem. Unde, quamvis in animam Christi, secundum quod est perfectio totius, non convertitur aliquid; tamen substantia panis tota, et quantum ad materiam, et quantum ad formam, convertitur in ipsum corpus Christi totum, secundum quod intelligitur accepisse congruentes perfectiones in singulis partibus, quia sic est organicum , et propria materia animae. "

- Haec ille. Ex quibus potest formari talis ratio pro conclusione : Ubicumque est aliqua causata et integra substantia Christi, est qualibet substantia Christi. Sed in Eucharistia est aliqua causata substantia Christi, puta caro et sanguis. Ergo ibi est qualibet substantia Christi, puta divinitas, anima, et sic de aliis partibus humanae naturai. Secunda conclusio est quod in Eucharistia est totus Christus totalitate quantitatis dimensivae, sic quod tota quantitas dimensiva corporis Christi est In hoc sacramento. ,Hanc ponit sanctus Thomas, 3 p., q. 76, ari. 4, ubi sic dicit : n Dupliciter aliquid Christi est in hoc sacramento : uno modo, ex vi sacramenti; alio modo, ex naturali concomitantia. Ex vi quidem sacramenti, quantitas dimensiva corporis Christi non est in hoc sacramento : ex vi enim sacramenti est in hoc sacramento illud in quod conversio directe terminatur; conversio autem quae fit in hoc sacramento, terminatur directe ad substantiam corporis Christi, non autem ad dimensiones ejus; quod patet ex hoc quod quantitas dimensiva panis remanet, facta consecratione, sola substantia panis transeunte. Quia (a) tamen substantia corporis Christi realiter non dividitur a sua quantitate dimensiva et ab aliis accidentibus, inde est quod, ex vi realis concoini-tantiae, est in hoc sacramento tota quantitas dimensiva corporis Christi, et omnia alia accidentia ejus. "

Haec ille. Item, art. 3, sic dicit : " Quia in hoc sacramento substantia corporis Christi est ex vi sacramenti quantitas autem dimensiva ex vi realis concomitantiae, ideo corpus Christi est in hoc sacramento per modum substantiae, id est, per modum quo substantia est sub dimensionibus, non autem per modum dimensionum, id est, non per illum modum quo quantitas dimensiva alicujus corporis est sub quantitate dimensiva loci. Manifestum est autem quod natura substantiae tota est sub qualibet parte dimensionum, sub quibus continetur, etc. )) Item, art. 4, arguit sic, primo loco: " Totum corpus Christi continetur sub qualibet parte hostiae consecratio. Sed nulla quantitas dimensiva tota continetur in aliquo toto, et in qualibet ejus parte. Ergo impossibile est quod tota quantitas dimensiva corporis Christi contineatur in hoc sacramento, j Ecce argumentum. Sequitur responsio : " Dicendum, inquit, quod modus exsistendi cujuslibet rei determinatur secundum illud quod inest ei per se, non autem secundum illud quod est per accidens; unde et dulcedo est in visu secundum modum albedinis, et non secundum modum dulcedinis. Quia ergo ex vi sacramenti hujus est in altari substantia corporis Christi, quantitas autem dimensiva est ibi concomitanter et quasi per accidens, ideo quantitas dimensiva corporis Christi est in hoc sacramento non secundum proprium modum, ut scilicet sit totum in toto, et singulae partes in singulis partibus, sed per modum substantiae, cujus natura est tota in toto, et tota in qualibet parte. "

Haec ille. Idem ponit, prima quaestionis hujus distinctionis, art. 2, in solutione tertiae et quartae quaestiuncularum.

Item, septimo Quodlibeto,nrl.8, ponit idem. Ex quibus possunt formari rationes pro conclusione.

Prima sic : De ratione corporis vivi est organizatio, quae requirit diversum situm partium. Situs autem praesupponit quantitatem. Ergo oportet quod corpus Christi, si sit vivum in sacramento, quod sit ibi sub propria quantitate.

Secundo sic : Subjectum nunquam separatur a propria passione. Sed substantiae corporalis propria passio est quantitas dimensiva. Ergo, cum substantia corporis Christi sit sub sacramento, et quantitas ejus dimensiva erit in sacramento.

Tertio : Totalitas corporis attenditur secundum totalitatem quantitatis ejus, quia secundum quantitatem dividitur, et habet partes. Sed,secundum Augustinum, totus Christus manducatur in sacramento. Igitur est ibi secundum totam suam quantitatem.

Quarto sic : Impossibile est aliquid esse alicubi secundum partem quantitatis, et non secundum totam, nisi divisa quantitate ipsius. Sed quantitas corporis Christi non dividitur actu, quia corpus illud est incorruptibile. Igitur, cum in sacramento contineatur aliquid quantitatis ejus, impossibile est quin contineatur ibi tota.

Item : Quandocumque duo sunt realiter conjuncta, et neutrum excedit reliquum, sed utrumque adaequat alterum, ubicumque est realiter unum illorum, et reliquum. Sed sic est de corpore Christi et ejus tota quantitate. Igitur, etc. Dico autem notan-ter, quando neutrum excedit reliquum, propter instantias quae possent dari de divinitate respectu humanitatis assumptae, et de anima respectu suarum potentiarum. Et in hoc primus articulus terminatur.