ANNOTATIONES

(a) Sciendum quo l Aristoteles ponit ser regulas. Nota, ut istas regulas intelligas, quod Aristoteles per mobile intelligit totam resistentiam, sive proveniat ex medii densitate, si ve ex ponderejet per movens intelligit solam virtutem motivam non mixtam cum resistentia, et per spatium solam quantitatem absque resistentia, esset enim fallacia existimare sola pondera esse resistentiam ; cum enim lapis jacitur, non solum lapis resistit, sed densitas aeris, et sic ab eadem virtute velocius movetur lapis major quam minor, quia si minuitur lapis, crescit resistentia ex parte aeris,quia minus ei cedit aer ; ex quo sequitur, quod motus velocior erit altero tali proportione, qua virtus movens unius excedit suam resistentiam, magis quam movens alterius motus suam resistentiam, ita ut in proportione proportionum, quas habent virtutes moventes secundum excessum, quo suas excedunt resislentias, erit proportio velocioris, vel tardioris motus ; si enim, verbi gratia, una virtus movens sit ut octo, movetque pondus ut quatuor, et alia sit etiam virtus movens aequalis, sed resistentia sit ut duo, prior virtus est in du-.pla proportione ad suam resistentiam, posterior in quadrupla ; tunc considera quae proportio sit inter has duas proportiones, quadruplam scilicet et duplam, et excessus quo excedit proportio quadrupla duplam, erit proportio velocitatis motus unius ad alterum.

FINIS LIBRI SEPTIMI PHYSICORUM