JOHANNIS CAPREOLI THOLOSANI ORDINIS PRAEDICATORUM, THOMISTARUM PRINCIPIS
DEFENSIONES THEOLOGIAE DIVI THOMAE AQUINATIS In Primo Sententiarum
ARTICULUS UNICUS A. - CONCLUSIONES
UTRUM GENERANDI POTENTIA. SUB OMNIPOTENTIA CLAUDATUR iRCA vigesimam distinctionem quaeritur : Utrum potentia generandi claudatur sub omnipotentia. Et arguitur quod non. Illud non clauditur sub omnipotentia, sine quo aliquid est omni- . - QUAESTIO 1. potens; sed sine potentia generandi aliquis est omnipotens, scilicet Filius, et Spiritus Sanctus; ergo, etc. In oppositum arguitur. Nam dicit Augustinus, lib. Contra Maximinum (lib. 2, cap. 7) : Si Pater non potuit generare Filium sibi aequalem, ubi est omnipotentia Patris? ex quo videtur arguere quod posse generare Filium pertinet ad omnipotentiam.