JOHANNIS CAPREOLI THOLOSANI ORDINIS PRAEDICATORUM, THOMISTARUM PRINCIPIS
DEFENSIONES THEOLOGIAE DIVI THOMAE AQUINATIS In Primo Sententiarum
ARTICULUS UNICUS A. - CONCLUSIONES
UTRUM UTI SIT ACTUS VOLUNTATIS ITERUM juxta distinctionem eamdem quaeritur : Utrum uti sit actus voluntatis. Et arguitur quod non. Nam secun dum Augustinum 1. de Doctrina chri-
stiana (c. 4), uti est illud quod venit (a) in usum referre ad obtinendum aliud. Sed referre aliquid ad aliud est rationis, cujus est conferre et ordinare. Ergo uti est actus rationis et non voluntatis. In oppositum arguitur per Augustinum 10. de Trinitate (c. 11) dicentem : Uti est assumere aliquid in facultatem voluntatis.
In hac quaestione erunt duo articuli. In primo ponentur conclusiones. In secundo movebuntur dubitationes.