Henrici Dodwelli Chronologia Persecutionum, Item Stephani Baluzii Chronologia Diocletianea, Prout Ratio Temporum Exegit, Intermixtae. Additi Sunt Insuper Cujusque Anni Consules, Aliique Rerum Eventus.

0181B An. LXIV. Anno Domini secundum Aeram Vulgarem, LXIV. Coss. C. Lecanius Bassus. M. Licinius Crassus. Pagi. Persecutio Neronis in christianos; ipsisque imputat incendium ab ipso Romae excitatum ex Tacito. Dodwell.—19 junii Ss. Gervasius et Protasius Mediolani martyrio coronati.

LXVI. Coss. C. Suetonius Paulinus L. Pontius Telesinus. Ss. Petrus et Paulus morti addicti 29 junii: ille per crucem, hic per gladium. Lenglet.

XCV. Coss. Domitianus Aug. XVII. T. Flavius Clemens. Pagi. Persecutio Domitiani post. septembr. 13 incoepit, ex Brutio. Dodwell.—Qua in persecutione morti addictus est a Domitiano T. Flavius Clemens consul 0181C ob religionem.

XCVI. Coss. C. Fulvius Valens. C. Antistius Vetus. Pagi. Revocavit christianos ab exilio Domitianus paulo ante septemb. 18. Necdum enim redierant exules ante novum edictum Nervae. Dodw.

XCVII. Coss. M. Cocceius Nerva III. T. Virginius Rufus. Nerva imperator statuas omnes Domitiani sustulit. Accusatos christianismi absolvit; vetuitque quemquam eo nomine accusari. Lenglet.

CVII. Coss. C. Sosius Senecius IV. L. Licinius Sura III. Pagi. Persecutio sub Trajano, qua passus est Ignatius, ex actis ejus. S. Simeon episcopus Hierosol. martyrio afficitur. Pax reddita hoc ipso anno. Plinii 0182B et Arii Antonini persecutiones hoc ipso etiam fortasse anno. Dodwell.

CVIII. Coss. Ap. Annius Trebonianus Gallus. M. Atilius Metilius Bradua. Pagi. Post Ignatii mortem, quae decembri mense die XX, anni superioris contigerat, cum nuntium de morte in Asia accepisset, necdum tamen gesta Ignatii haberet explorata, epistolam scripsit ad Philippenses Polycarpus. Dodw.—Evaristus papa martyrio coronatur.

CIX. Coss. A. Cornelius Palma. C. Calvisius Tullus. Onesimus, S. Pauli discipulus, Ephesiorum episcopus, in carcerem conjicitur, et Romae lapidibus obruitur. Lenglet.

CXVI. Coss. Aemilianus. 0182C L. Antistius Verus. Pagi. Passus Simeon Cleophae, et extincta est familia Davidis. Dodwell.

CLIII. Coss. C. Bruttius Praesens. A. Junius Rufinus. Pagi. Edictum Antonini Pii pro christianis, si forte fuerit Pii. Dodwell.

CLXI. Coss. M. Aelius Aurelius Verus Caesar. III. L. Aelius Commodus II. Pagi. Idem edictum, si Marco potius sit, quam Pio tribuendum. Dodwell.

CLXVII. Coss. L. Aurelius Verus Aug. III. Quadratus. Pagi. Persecutio Gallorum Lugdunensium Viennensiumque sub Marco. Dodwell.

0183A CLXVIII. Coss. L. Vettius Paulus. T. Junius Montanus. Pagi. Athenagorae legatio pro Christianis post reditum Lucii. Dodwell.

CLXX. Coss. M. Cornelius Cethegus. C. Erucius Clarus. Pagi. Melitonis Sardensis et Apollinaris Hierapolitani apologiae. Dodwell.

CCII. Coss. L. Septimius Severus Aug. III. Aurelius Antoninus Caracalla Aug. Pagi. Post VIII Id. April. ante Solstitium incoepit persecutio Severi. Annus XVII aetatis Origenis. Dodwell.

CCIII. Coss. L. Fulvius Plautianus. P. Septimius Geta. Pagi. Annus XVIII Origenis, hujus persecutionis secundus. Dodwell.

0183B CCIV. Coss. L. Fabius Cilo II. M. Annuis Libo. Pagi. Anno seculari ineunte, desiit haec Severi persecutio. Dodwell.

CCXXXV. Coss. Severus. Quinctianus. Pagi. Sub finem anni persecutio Maximini. Persecutio in Asia. Dodwell.

CCXXXVI. Coss. C. Julius Verus Maximinus Aug. Julius Africanus. Pagi. Initio anni finis persecutionis. Defecerunt in Africa Gordiani mense Maio, in Italia Senatus. Dodwell.

CCXXXVII. Coss. L. Ovinius Cornelianus. P. Titius Perpetuus. Pagi. Mense Junio occisi in Africa Gordiani. Mense Julio Augustum imperium susceperunt Maximus et Balbinus; 0183C Caesareum Gordianus tertius. Dodwell.

CCXXXVIII. Coss. Pius. Pontianus. Pagi. Ludis Capitolinis, ante Jun. 22 occisi Maximus et Balbinus. Augustum imperium suscepit Gordianus. Dodwell.

CCXLVIII. Coss. M. Julius Philippus Aug. III. M. Julius Philippus Aug. II. Pagi. Persecutio Alexandrina in fine anni. Dodwell.

CCXLIX. Coss. Fulvius Aemilianus II. Vectius Aquilinus. Pagi. Sub finem anni incoepit cum imperio Decii persecutio. In Africa saltem hujusque incruenta. Dodwell.

CCL. Coss. Cn. Messius Quintus Trajanus Decius Aug. II. Annius Gratus. Pagi. 0183D Initio Aprilis ad caedes progressa est persecutio in Africa, confestim facta remissior. Persecutionis Alexandrinae anni secundi maxima pars in hunc annum incidit. Dodwell.

CCLI. Coss. Cn. Trajanus Decius Aug. III. Q. Herennius Etruscus Decius Caesar. Pagi. Tertius annus persecutionis Alexandrinae. Remissa persecutio tam Alexandriae, quam etiam in Africa. Dodwell.

CCLII. Coss. C. Vibius Trebonianus Gallus Aug. II. C. Vibius Volusianus Caesar. Pagi. Lues sub Gallo, ejusdemque persecutio brevissima. Dodwell.

CCLVII. Coss. P. Licinius Valerianus Aug. IV. P. Licinius Gallienus Aug. III. Pagi. 0184A Sub initium Augusti persecutio Valeriani, sed sine martyriis. Dodwell.

CCLVIII. Coss. M. Aurelius Memmius Tuscus. Bassus. Pagi. Sub initium Augusti edictum Valeria ni de poena capitis. Dodwell.

CCLXI. Coss. Gallienus Aug. IV. Petronius Volusianus. Pagi. Purpuram arripuit in Aegypto Aemilianus. Revocata in reliquo imperio Valeriani persecutio a Gallieno Dodwell.

CCLXII. Coss. P. Licinius Gallienus Aug. V. Faustinus. Pagi. Revocata a Gallieno eadem persecutio in Aegypto, capto jam Aemiliano. Dodwell.

CCLXXV. Coss. L. Domitius Aurelianus Aug. IV. 0184B T. Avonius Marcellinus. Pagi. sub initium anni, sub finem Aureliani, emissa ab eo persecutionis edicta. Dodwell.

CCLXXXIV. Coss. Imp. M. Aurelius Carinus II. Imp. M. Aur. Numerianus II. Spark . Suffecti secundum Lidyati computum. Kal. Maiis } Val Diocletianus. vel Octob } Annius Bassus. Kal. sept.: } M. Aur. Val. Maximianus. vel novemb.:} M. Junius Maximus. Idem. Diocletianus levatur Imperator die XVII septembris. Hoc anno incipit aera Diocletianea, vel aera martyrum, die XXIX mensis Augusti, quo incipit annus Aegyptiorum, qui etiam nunc ea utuntur aera. Lenglet.

CCLXXXV. Coss. Valerius Diocletianus II. 0184C Aristobolus. Spark . Maximianus Herculius a Diocletiano creatur Caesar.

CCLXXXVI. Coss. M. Junius Maximus II. Vettius Aquilinus. Kalendis Aprilis Augustus creatur Maximianus Herculius, ac proinde in consortium Imperii appellatur a Diocletiano. Maximianus Thebaeam legionem martyrio donat. Lenglet.

CCXCII. Coss. Annibalianus. Asclepiodotus. Kalendis Martiis Diocletianus et Maximianus adoptant Constantium cognomento Chlorum et Galerium, Maximianum cognomento Armentarium, eosque nuncupant Caesares. Constantius repudiat Helenam, ex qua Constantinum, cui postea Magno cognomen haesit, susceperat, et Theodoram Herculii privignam ducit. Galerius, repudiata quoque conjuge, 0184D Valeriam Diocletiani et Priscae Augustae filiam accepit uxorem. Baluzius .

CCXCIII. Coss. Imp. Val. Diocletianus V. Maximianus Herculius IV. Constantius Chlorus ex Batavia et Belgio Francos pellit, quos mittit ad Suessiones et ad Rhemos. Lenglet.

CCXCVII. Coss. Maximianus Herculius v. Galerius Maximianus Caesar II. Spark . Narseus Rex Persarum vincit ac fugat in Mesopotamia Galerium, ac postea in Armenia. Nisibim venit Diocletianus. Narseus victus fugatusque est a Galerio, et conjux filiaeque ejus captae, cum maxima pudicitiae custodia reservatae sunt ad augendam triumphi pompam Capta magna praeda cum ingentibus manubiis. Baluzius .

0185A CCCI. Coss. Postumius Titianus II. Fl. Popilius Nepotianus. Spark . Prima Diocletiani persecutio in milites. Dodwell. Constantius vincit Germanos in Lingonibus, quo processerant.

CCCII. Coss. Fl. Val. Constantius Caesar IV. Galerius Max. Arment. IV. Diocletianus e Nicomedia, ubi tum regia sedes erat, in Orientem profectus, illic substitit usque ad hyemem. Tum vero Nicomediam redux, ibi cum Galerio consultavit de bello christianis inferendo. Baluzius .

Victus a Galerio Narseus Persarum rex. Dodwell.

CCCIII. Coss. Imp. Val. Diocletianus VIII. Maximianus Herculius VII. Spark . Annus primus persecutionis inchoatus a Feb. 23. Nicomediae. 0185B Dodwell.

Persecutio adversum Christianos hoc anno commota, omnium quae unquam fuerunt atrocissima. Initium factum a civitate Nicomediensi, cujus ecclesia eversa est VII Kalendas Martias, ipso Terminalium die. Postridio propositum est edictum Imperatorum et Caesarum adversus christianos, ut per universum orbem sacrificare cogerentur. Baluzius .

Diocletianus Romam proficiscitur, illicque vicennalia celebrat et triumphum agit de Persis. Mox facta pace, quae in tempus Divi Constantini reservata duravit, Persae Mesopotamiam cum Transtigritanis quinque regionibus reddiderunt, limite imperiorum super ripam Tigridis constituto. Idem.

Gothi, trajecto Istro, vicinam provinciam invaserunt, et indigenas expulerunt. Idem.

Diocletianus offensus nimia Romanorum dicacitate, statim post peracta vicennalia discedit, et XIII Kalendas Januarias proficiscitur Ravennam. Idem.

0185C CCCIV. Coss. Imp. al. Diocletianus IX. Maximianus Herculius VIII. Spark . Annus primus persecutionis absolutus; secundus inchoatus, sed primus Eusebio. Dodwell.

Diocletianus nonum consulatum auspicatur Ravennae. Postea in difficilem morbum incidit, cujus vi de statu mentis suae demotus, demens factus est; ac post aestatem, Nicomediam pervenit. Circum illic dedicavit anno post vicennalia repleto, et Idibus Decembribus, intercepto spiritu, visus est expirasse. Baluzius .

Eodem tempore, quo Diocletianus nonum consulatum auspicatus est Ravennae, Maximianus Herculius octavum iniit Romae; et annum imperii vicesimum ingressus postea est Kalendis Aprilis. Deinde aestate ejus anni fuit in Campania. Idem.

Fine anni Galerius Maximianus Caesar Nicomediam venit ad Diocletianum, ut eum compelleret ad deponendum imperium, quum antea idem persuasisset 0185D Herculio. Idem.

CCCV. Coss. Constantius Chlorus V. Galer. Maxim Arment. V. Spark . Annus secundus persecutionis absolutus; tertius inchoatus, sed secundus Eusebio. Purpuram deposuerunt Diocletianus et Maximianus. Nova deinde et saevior persecutio instaurata in Oriente a Galerio et Maximino, omnium deinceps Christianorum, cum antea solorum fuisset Clericorum. Agon quinquennalis Caesareae. Desiit persecutio in Occidente. Dodwell.

Kalendis Martiis Diocletianus apud Nicomediam processit in publicum, ut se vivum esse probaret populo. Baluzius .

Kalendis Maiis Diocletianus prope Nicomediam, et Maximianus Herculius Mediolani purpuram deponunt, et Constantium Galeriumque Augustos nuncupant, 0186A Diocletianus Galerium, Herculius Constantium. Idem.

Eodem die Severus et Maximinus Daza facti sunt Caesares, nominati quidem a Galerio, sed induti, a Maximiano Severus, a Diocletiano Maximinus. Tum Diocletianus in patriam suam, hoc est, Diocleam in Dalmatia revertitur, ubi praeclaro otio consenuit. Herculius in Lucaniam concessit.

CCCVI. Coss. Constantius Chlorus VI. Galer. Maxim. Arment. VI. Spark . Annus tertius persecutionis absolutus, quartus inchoatus. Incoepit Caesareae nova illa persecutio Maximini, quae omnes cogebat sacrificare. Dodwell.

Constantius Augustus filium suum Constantinum repetit a Galerio, apud quem velut obses tenebatur. Is ergo in Galliam profectus, ad patrem in extremis agentem pervenit XII Kalendas Augusti. Quatriduo post Constantius extinguitur Eboraci in Britannia: cui successit Constantinus, cum patris suprema voluntate, 0186B tum militum consensu, qui ei purpuram injecerunt. Baluzius .

Imago laureata Constantini defertur ad Galerium. Ille vero purpuram ad eum misit, Caesaremque nuncupavit VIII Kalendas Januarias, quum aut eodem die, aut paulo ante Severum Augustum dixisset. Idem.

Edictum emittit Constantinus in gratiam christianorum.

Interim, quum imagines Constantini Romam allatae essent, Maxentius Herculii filius, patre diu retractante, imperium invadit VI Kalendas Novembris; et patrem, qui tum in Campania erat, ad se vocans, eumque bis Augustum nominans, consortem imperii facit. Idem.

Maxentius purpuram Augusteam usurpat; Romam ac Italiam sibi subjicit die Octobris XXVIII.

CCCVII. Coss. Maximianus Herculius IX. Constantinus Caesar. Spark . 0186C Annus quartus persecutionis absolutus, quintus inchoatus. Coeperunt pro caedibus mutilationes. Mors Urbani Praefecti Palestinae persecutoris. Dodwell.

Galerius Maximianus Severum Augustum cui Italiae custodia demandata fuerat, exercitum jubet ducere adversus Maxentium. Ille vero statim Romam obsidet, Ravennam fugit, ad Tres tabernas extinguitur, ut videtur, circa mensem Aprilem.

Maximianus Herculius bis Augustus in Gallias proficiscitur, ubi Constantinum, qui hactenus Caesaris appellatione contentus fuerat, Augustum nuncupat pridie Kalendas Aprilis, et eidem in matrimonium locat filiam suam Faustam. Baluzius .

Interea Galerius Maximianus immensum exercitum ducit in Italiam, mortem Severi vindicaturus. Romam frustra obsidet, et redit inglorius in Illyricum. Idem.

Tum vero Herculius e Gallia redux, filium Maxentium denudare conatus in concione, convicia militum tulit; et urbe Italiaque pulsus, rursus ad Constantinum 0186D pergit in Gallias. Illic aliquantulum moratus, mox Carnuntum in Pannonia ad Galerium profectus, 0187A ibi Diocletianum invenit, interfuitque III Idus Novembris nuncupationi Licinii Augusti, quem Galerius Maximianus substituit in locum Severi. Cum vero frustra Diocletianum hortatus esset ad resumendum imperium, ab eo repudiatus rediit in Galliam, ubi iterum deposuit imperium, ac postea illic reliquum vitae suae egit.Idem.

CCCVIII. Coss. Maximianus Herculius X. Galerius Max. Arment. VII. Annus quintus absolutus, sextus inchoatus. Constantinus Augustus declaratur. Firmilianus Palaestinae praeses mutilationibus, potius quam caedibus, persecutus est. Persecutio remissa a mense Augusto ad Novembrem, rursusque sub hujus anni finem novo Maximini edicto instaurata, ita tamen, ut mense Decembri redierint ad mutilationes persecutores. Dodwell.

Maximianus Herculius X et Galerius Maximianus VII consules fuere, constituta jam concordia inter eos 0187B et Maxentium. Baluzius .

20. Aprilis Maxentius Consul Romae declaratur; cum Romulo Herculius in Gallias fugit, ubi res novas molitur contra Constantinum.

CCCIX. Coss. Licinius Aug. vel post Consulatum X Herculii et VII Galerii Maximiani. Maxentius II. Romulus II. Annus sextus absolutus, septimus inchoatus. Martii 7 passus est Eubulus ultimus Martyrum Caesareensium. Inde neglectu Gentilium rediit Christianis pax. Dodwell.

CCCX. Coss. Maxentius III, sine collega. Spark . Secundum Lydiatum. Coss. Galerius Maxim. Armant. VIII, suffecto Licinio Liciniano Augusto. Idem. 0187C Annus septimus absolutus, octavus inchoatus. Nova rursus, invidia Gentilium, orta Christianorum persecutio: verum ea brevissima, et unius impetus. Dodwell.

Cum Franci turbarent statum Galliarum, et de eis reprimendis Constantinus cogitaret, Herculius semper inquietus, subdolus, et infidus, auctor ei fuit ne omnem exercitum secum duceret, posse barbaros a paucis debellari. Credidit Constantinus et seni et socero. Interim Herculius cupiditate imperii stimulatus, cum putaret Constantinum longius abesse, milites largitionibus et promissis sollicitat ad defectionem, thesauros invadit, et purpuram tertio induit in Belgica; et redeunte Constantino mira celeritate, timens quod meruerat, fugit in secundam Narbonensem, et se civitatis Arelatensis moenibus includit. Dein adventante Constantini exercitu, Massiliam contendit; ubi obsessus a Constantino, captus est, et increpito vita donata. Verum paulo post ejusdem Constantini jussu strangulatus est, cum deprehensus esset in insidiis quas 0187D Constantino moliebatur, ut cum perimeret. Baluzius .

Eodem anno Galerius Maximianus in gravem ac periculosum morbum incidit, quo per annum perpetem afflictatus est; isque morbus eum invasit, cum iniret decimum octavum imperii sui annum. Idem.

CCCXI. Coss. Gal. Maxim. Arment. VIII. Maximinus II. Annus octavus absolutus, nonus inchoatus. Edictum Galerii pro pace, inter Kal. Mart. et prid. Kal. Maias. Pax illa ne sex quidem mensium integrorum, ita ut sub finem Octobris redierit persecutio, sed et ea unius impetus, sanguinolenta. Legationes primas urbium accepit Nicomediae Maximinus. Dodwell.

Galerius semper aegrotus, admonitus morbum illum evenisse sibi propter mala quae Christianis intulerat, edicto proposito persecutionem quiescere jussit anno postquam coeperat octavo. Tum apertis carceribus, 0188A christiani qui illic detinebantur, abire permissi sunt. Paulo post Galerius moritur Sardicae, mense, ut videtur, Maio, cum prius Licinio Valeriam conjugem filiumque Candidianum commendasset, atque in manibus tradidisset. Sed hi cum comitatum Maximini infeliciter praetulissent, miserandam sortem habuerunt, ut postea dicetur. Baluzius .

Maxentius bellum Constantino indicit, quasi necem patris sui Herculii vindicaturus.

Bellum inde inter Licinium et Maximinum de imperio certantes. Sed conditionibus certis pax et amicitia componitur in Bosphoro Thracio, ubi constitutus est limes imperii utriusque. Idem.

Maximinus postea indulgentiam communi principum consensu christianis datam tollit, subornatis legationibus civitatum, quae peterent, ne illis intra civitates suas conventicula extruere liceret. Hinc acrius in eos saevitum, donec Constantini litteris Maximinus deterreretur. Idem.

Hoc vel sequenti anno crux in coelo Constantino 0188B apparet.

CCCXII. Coss. Fl. Val. Constantinus Aug. II. Licinius Aug. II. Spark . Annus nonus absolutus, decimus inchoatus. Secundae urbium legationes cum decretis adversus christianos. Maximini ad illas rescripta de pellendis ex illis urbibus christianis, earumque urbium territoriis, post mensem Maium. Persecutio nova inchoata, sed mutilationum duntaxat, et statim minis litterisque Constantini sedata adversus Maxentium moventis. Constantinus Alpes transcendit, atque copias Maxentii vincit fugatque in Taurinis aliisque in locis. Tandem juxta Romam coelitus 27 Octob. crux signum victoriae ipsi ostensa pridie quam pugnam committeret, in qua profligatur Maxentius ipse 28 Octobris, ibique in Tiberi submergitur. Constantinus victor Urbem ingreditur: primi Augusti titulus Constantino a Senatu decretus. Primum Maximini edictum pro pace. 0188C Dodwell.

Valeria Galerii vidua in exilium jussu Maximini projecta cum matre Prisca, et in desertas Syriae solitudines relegata, patrem suum Diocletianum per occultos nuntios gnarum calamitatis suae facit. Repetenti vero eam patri Maximinus negavit. Baluzius .

Eodem tempore Maximiani Herculii statuae Constantini jussu revellebantur; et imagines quoque Diocletiani, quia cum Herculio pictus erat, detrahebantur. Hinc dolor Diocletiani qui paulo post fame atque angore confectus interiit III Nonas Decembris. Idem.

Maximinus legatos Romam ad Maxentium mittit occulte, et amicitiam cum eo facit. Idem.

Initium indictionum aut I aut XXIV die septembris.

CCCXIII. Coss. Fl. Val. Constantinus III. Licinius Augustus III. Spark . Annus decimus absolutus, undecimus inchoatus. Victus a Licinio Maximinus in campo sereno die 30 Aprilis: edictum Constantini et Licinii pro pace Nicomediae 0188D propositum Jun. 13, quo tempore decennalem hanc persecutionem terminat Lactantius, num. 48. Secundum deinde Maximini pro christianis edictum. Dodwell.

Rebus in urbe compositis, Constantinus circa XV Kalendas Februarii Roma digressus, Mediolanum contendit, ibique nuptias Constantiae sororis suae cum Licinio celebravit. Ea re peracta, Constantinus in Gallias revertitur, Licinius in Illyricum. Baluzius .

Interim Maximinus exercitum movet e Syria, bellum Licinio illaturus, provincias ejus occupaturus. Occurrit ei Licinius in Thracia. Pugnatur pridie Kalendas Maias in campo quem vocabant Serenum, inter Hadrianopolim videlicet et Heracleam. Victoria penes Licinium fuit. Idem.

Diocletianus moritur hoc anno, forte Maio mense.

Maximinus summa celeritate fugit Nicomediam, hinc in Cappadociam, postremo in Ciliciam, ubi miserando 0189A horrendoque mortis genere extinctus est apud Tarsum. Idem.

Fuso fugatoque Maximino, Licinius trajecit exercitum in Bithyniam; et Nicomediam ingressus die Iduum Juniarum proponi jussit edictum de restituenda Ecclesia, verboque etiam hortatus est, ut conventicula in statum pristinum redderentur.

Pax Ecclesiae data post bellum decennale. Idem.

Licinius Valerium, Candidianum Galerii Maximini filium, Severi filium Severianum, liberos Maximini occidi jubet. Idem.

CCCXIV. Coss. Volusianus II. Annianus.

Primum Constantini bellum adversus Licinium ad Cibalim in Pannonia victum die 31 octobris. Iterum pugnatur ad Mardiam in Thracia, sed aequo marte.

Pax Constantinum inter et Licinium.

Valens a Licinio Caesar eligitur, postea mutuo Augustorum 0189B consensu expellitur ac dignitate privatur.

CCCXV. Coss. Constantinus IV. Licinius IV. Valeria filia Diocletiani et uxor ejus Prisca Thessalonicae capite truncantur. Hoc anno Lactantius suum de Mortibus Persecutorum librum edidit.

CCCXVII. Coss. Gallicanus. Bassus. Crispus et Constantinus Constantini Magni filii Caesares creantur, sicut et Licinianus, filius Licinii. Nascitur Constantius filius alter Constantini et Faustae. Hoc anno desinente, ut putamus, advocatur Nicomedia in Gallias Lactantius.

CCCXVIII. Coss. 0189C Licinius Augustus V. Crispus Caesar.

CCCXIX. Coss. Constantinus Aug. V. Licinius Junior Caesar. Hoc anno removet a suo Palatio Christianos Licinius Augustus. Arius in haeresim prolabitur, damnaturque in concilio centum Episcoporum.

CCCXX. Coss. Constantinus Aug. VI. Constantius Caesar II. Persecutio Liciniana ex Eusebio in Chronico. Crispus Caesar Francos et Alamannos praelio vicit. Hoc anno vel sequenti suas edidit Lactantius Institutiones.

0190A CCCXXI. Coss. Crispus Caesar II. Constantinus Caesar. Nazarius Romae Panegyricum Constantino dicit Kal. Martiis. Donatistae Roma ejecti. Constantinus de feriando die dominico sanctionem edit.

CCCXXII. Coss. Petronius Probianus. Anicius Julianus. Constantinus Sarmatas in Pannonia debellat, et ibi Rex eorum Rausimondus cecidit.

CCCXXIII. Coss. Acilius Severus. Junius (vel Vettius) Rufinus. Alterum bellum Constantini adversus Licinium: hic die III Julii ad Adrianopolim a Constantino debellatur. Iterum Licinius terra vincitur a Constantino juxta 0190B Chrysopolim et Chalcedonem, et mari a Crispo Caesare in Hellesponto. Nicomediam fugit Licinius, atque veniam petiit in praeteritum, exorante Constantia ejus uxore ac sorore Constantini. Coenae a Constantino adhibetur, atque exul Thessalonicam mittitur; ubi ejus post quosdam menses, ob res novas quas moliebatur, fauces laqueo innectuntur, atque Martinianus Caesar a Licinio creatus in Cappadocia trucidatur. (Vide Tillemont tom. IV, Imperat., pag. 195.) Constantius Constantini filius Caesar eligitur.

CCCXXIV. Coss. Crispus Caesar III. Constantinus Caesar III. Constantinus ad Arium litteras scribit, ut eum ab errore revocet.

CCCXXV. Coss. Anicius Faustus Paulinus. 0190C P. Cejonius Julianus. Synodus prima universalis Nicaeae in Bithynia cogitur a 18 vel 19 Junii ad 25 Augusti; in qua damnatur Arius. 25 Julii vicennalia celebrat Constantinus.

CCCXXVI. Coss. Constantinus August. VII. Constantius Caesar. Constantinus Romam petit; atque circa Julium mensem trucidari jubet Crispum Caesarem; qui falsi criminis reus agitur: morti similiter addicitur Fausta Constantini uxor.

CCCLXII. Coss. Fl. Mamertinus. Fl. Nevitta. Persecutio Juliani, cum ageret Antiochiae, sub finem Octobris, cum flagrasset simulacrum Jovis Olympii, ut colligitur ex Ammiano XXII. Dodwell.