EXPOSITIO TEXTUS.

Inspiciendumque, etc.

Hic determinat de quibusdam quorum ratio consistit in congregatione quadam partium, ut fluvius igneus, de quo dicitur Dan. VII, 10, et de curru igneo, de quo dicitur IV Reg. ii, 11, et de rotis, de quibus dicitur Ezech. I, 15 et seq.

Littera sic legatur : Que, id est, et inspiciendum et hoc, scilicet, et fluvios et currus et rotas fuisse dictos connexos caelestibus essentiis. Enim, id est, quia ignea flumina significant quidem divinos promotus, id est, emanationes a Deo promoventes, donantes ipsis, scilicet Angelis affluentiam donorum copiosam, quantum ad multitudinem, et non deficientem, quantum ad continuitatem, et promotus dico nutrientes spirituali nutrimento Angelo foecunditate vivifica, sicut fluvius fecundat terram ad productionem plantarum, et dat vitam piscibus. Currus autem significat conjunctivam societatem in divino ministerio, similitudinum, id est, habentium similes naturas et dona. Rotae autem cum quidem sint pennatae, euntes in ea quae ante conspectum sunt. Et dicitur conspectus rotae, vel anterior

pars arcus, qui deprimitur : oportet enim sicut in motu caeli alterum esse deprimens, et alterum depressum esse, inconversibiliter, secundum quod non cessant a motu, neque retrocedunt, et inflexibiliter, secundum quod non exeunt a via, per viam rectam, in quantum non exeunt ab extremis, et justam, secundum quod attingunt finem. Unde dicit Ezech.I, 17 : Euntes ibant : et non revertebantur. Rotae dico sic euntes significant virtutem operationis, id est,virtuosam operationem earum, scilicet caelestium essentiarum. Operationis dico exeuntis in eamdem viam, quia circulariter, sine flexu, id est, non revertendo, et recte sectam, id est, designatam, in quantum non exit ab extremis : et hoc simul omni intellectuali rotatu earum, scilicet essentiarum, id est, circulari actu intellectus, de quo cap. VII dictum est, supermundane directo, scilicet objectum beatae contemplationis.

Est autem, id est, convenit dijudicare imaginariam descriptionem intellectualium rotarum, et, id est, etiam per aliam anagogen, id est, sursum ductivam expositionem. Ut enim ait Theologus (Ezech. x, 13) vocitatum est eis, scilicet rotis a Deo, thea, thea, thea. In Hebraeo habetur AdminBookmark AdminBookmark Graece, revolutio Latine, Nostra autem translatio aliter habet, scilicet: Rotas istas vocavit volubiles, audiente me. Hoc autem, scilicet AdminBookmark signat juxta Hebraicam linguam (quae habet AdminBookmark revolutiones et revelationes. Siquidem, id est, certe rotae igneae ei deiformes, scilicet caelestes essentiae habent quidem revolutiones semper mobili vel volubili motu circa idipsum optimum, scilicet Deum, quem circumeunt, ut supra dictum est,cap. VII. Revelationes vero habent alias respectu inferiorum manifestatione secretorum, in quantum inferiora participare faciunt sui circuitum circa Deum, et circumreductione, id est, circulari reductione ad principium subjectorum, id est, inferiorum, et perfectio-ne deductiva aliarum, quia divinarum, illuminationum in ea quae subjecta sunt, in quantum deducta perficiuntur in illo ut in fine, per illuminationes exeuntes ab

ipso, ut primo principio : et ideo secundum Graecam translationem pluries dicitur Osa.

13