DUBIUM,

Sed circa hoc est dubitatio.

1. Sicut concupiscentia est inconsulta, ita et furor, cum omnis maius sit ignorans, sicut dicit Philosophus. Cum igitur de furore non dixerit esse inconsultum, nec de concupiscentia dicere debuit.

2. Praeterea, Quod ex natura est, non est vituperabile, sicut dicit Philosophus in Ethicis : sed concupiscentia est vituperabilis : ergo non est ex natura.

3. Praeterea, Continuitas non exigitur ad concupiscentis incontinentiam : uno enim vel duobus actibus efficitur quis incontinens : ergo male posuit in ejus diffinitione continuitatem : quia incontinens secundum Philosophum melior est luxurioso. Incontinens enim vult quidem continenter agere.

4. Praeterea, Hoc non manet in eo quod vult tractus concupiscentia : unde et incontinens dicitur non parens menti. Luxuriosus autem ultro se offert voluptati. Ergo non est universaliter verum quod. voluptas compellat totum animal, quia in incontinente ratio et voluntas contradicit.

Solutio. Dicendum ad primum, quod secundum Philosophum, iracundus similatur ei qui audit legem, male autem utitur legibus : ex hoc enim quod iniuriam recogitat, dicit sibi ratio, quod vindictam non per se, sed. per judicem debet habere et moderate : sed hoc non sequitur, imo ipse per se vindictam quaerit et ultra debitum, et ideo non penitus inconsultus est : talis enim audit consilium rationis, sed non sequitur illud. Incontinens vero similis est ei qui non audit legein : ex quo enim afficitur concupiscentia, non cogitat de aliqua lege, cum nulla lex sit ad concupiscendum : et ideo speciali ratione inconsultam eam dixit.

Ad secundum dicendum, quod concupiscentia dicitur esse in nobis ex naturali motu prout natura in nobis est corrupta magis ad delectabile venereum et gulae quam ad alia : quia conjunguntur his per quae salvatur natura secundum speciem vel secundum individuum : et ideo natura magis prona est ad ista : hujusmodi enim passiones connascuntur nobis : et oportet nos habere ad ipsas, secundum Philosophum, sicut sapientes plebis ad Helenam, fugiendo scilicet. Quod etiam Apostolus dicit I ad Gor., VI, 18 : Fugite fornicationem.

Ad tertium dicendum, quod non sumitur continuitas pro continuitate temporis, sed pro quadam continuitate soliditatis : propter enim facile mobilem dispositionem ad voluptates, non dicitur quis incontinens.

Ad quartum dicendum, quod licet in incontinente et quolibet alio concupiscente sit quandoque aliquid remurmurans, tamen ex quo concupiscentia subintravit, non siuit remurmure actu : et ideo dicitur a Dionysio, totum animal impellens.

11

ANTI QUA TRAN SLATIO.

A, Cum vero dissimiles similitudines intellectualibus circumponentes concupiscentiam eis circumformamus , amorem divinum ipsam intelligere oportet, super rationem et intellectum immaterialitatis, et inflexibile et non indigens desiderium., superessentialiter castae et impassibilis contemplationis, et ad illam puram et sublimissimam claritatem, et invisibilem et formificam pulchritudinem aeternae, verae et invisibilis societatis. Et veluti potentiam excipit quidem in sufficientia et in conversibilitate, et a nulla affligitur virtute, per inconfusum et immutabilem divinae pulchritudinis amorem, et universalem revocationem in id quod vere est appetendum.

B. Sed et ipsam irrationabilitatem et insensualitatem quidem in irrationabilibus animalibus, aut in animatis materiis defectum rationis et sensus proprie vocamus. In immaterialibus autem et intellectualibus essentiis sancte et decenter supereminentias earum, ut supermundanum confitemur nostram transitoriam et corporalem rationem, et materialem, et alienatum in corporalibus animi sensum excel-