DUBIUM.

Sed videtur boc esse falsum :

1. Quia Augustinus determinat naturales proprietates eorum, quae sunt personalis discretio, et simplicitas essentiae, et similia : ergo et iste ea determinare debuit propriis nominibus.

2. Praeterea, Res perfectius cognoscitur per essentialia quam per proprietates : ergo et illa deberent declarari per nomina eorum potius quam proprietates, maxime cum dicat Philosophus in IV Metaphysicorum : " Ratio quam signifi-" cat nomen, est diffinitio. "

Ad primum dicendum, quod proprietates naturales quae consequuntur naturam eorum, in communi possunt determinari ratione quam significat nomen, sed non illae quibus separantur ab invicem : hic autem intenditur de eis secundum quod separantur ab invicem in diversis ordinibus : et ideo non potuit fieri per nomina significantia proprietates naturales eorum.

Ad secundum dicendum, quod essentialia eorum propter elongationem ipsorum a nobis sunt ignorata in speciali, et ideo oportet nos eorum qualemcumque cognitionem accipere per proprietates deiformes traditas nobis in Scripturis.