BALTH. CORDERII, S. J. INTERPRETATIO.

Etenim cujuslibet eorum qui sacrum ordinem sortiti sunt, in hoc sita perfectio est, ut ad divinam, pro captu quisque suo, promoveatur imitationem, quodque divinius est somnium, ipsius etiam Dei, ut Eloquia loquuntur, cooperator exsistat, divinamque in semetipso demonstret operationem, quoad potest, elucentem : quippe cum in hoc sit sacrae gubernationis ordo, ut aliqui purgentur, alii purgent ; aliqui illuminentur, alii illuminent ; quidam perficiantur, nonnulli vero perficiant ; modo cuique suo divina congruet imitatio. Divina siquidem beatitudo, ut

hominibus dicendum, pura quidem est ab omni simul dissimilitudine, plena veri luminis aeterni, perfecta et non indigens simul omnis perfeci ionis, purgans et illuminans et perficiens. Magis autem purgatio sancta, illuminatio, et perfectio, super purgationem, super lumen, ante perfecta, per seipsam perfecta, per seipsam perfectionis principium, et omnis quidem hierarchiae causa, omnisque sacri secundum supereminentem excelsitudinem.