DIVISIO ET EXPOSITIO TEXTUS.

Virgas etiam, etc.

Hic determinat de instrumentis. Et primo secundum quod significant aliquid in eis. Secundo prout significant aliquid ab eis circa nos exercendum, ibi, Est autem quando.

correctricem disciplinam vindicemque iustitiam, alia vero periculi liberationem, vel disciplinae finem, vel pristinae felicitatis restitutionem, aliorumve munerum, cum exiguorum tum magnorum, cum sensilium tum intellectualium adjectionem manifestant ; neque vero dubitavit ullo modo mens perspicax, visibilia proprie rebus quae adspectum fugiunt accommodare.

Quod autem venti nominentur, hoc eorum celerem conficiendi rationem Indicat, ad omnia ferme absque mora penetrantem, susque deque ultro citroque quaquaversumpermeandi facultatem, quae Inferiora quidem ad superiorem promoveat sublimitatem, prima vero moveat ad providum et communicantem se inferioribus illapsum.

Circa primum ponit duo instrumenta indicantia dignitatem.Secundo, pertinentia ad impugnationem, Ibi, Tela vero. Tertio, ad aedificationem, ibi, Geometrica.Littera sic legatur : etiam aestimo virgas quas in modum sceptrorum sacra Scriptura eis adaptat, significare regale et principale, i d est, dignitatem ipsorum qua regunt et principantur inferioribus, que, id est, etiam significare diffiniens omnia recta, applicando rectitudinem quam habent apud se (quae significatur per virgam rectam) ad opus.

Vero, id est,sed aestimo tela, de quibus dicitur II Mach. x,30,et secures, de quibus dicitur Ezech.IX, significare separativum, id est, destructionem dis similitudinum,id est, vitiorum, et acumen virtutum discernentium, quantum ad subtilem discre-

tionem virtutis et vitii, sicut telum acutum est, et efficax, secundum quod eis nihil potest resistere, et actuosum, secundum quod eorum discretio non stat in cognitione speculativa.

Autem, id est, sed vasa, id est, instrumenta geometrica, id. est, ad mensurandum, de quibus dicitur Ezech. xl, 3, et Zach. II, 2, et tectonica, id est, aedificativa aestimo significare fundativitra, supple, actionum, qua in spirituali aedificio fundamentum locatur quantum ad fidem, vel quantum ad purgationem, et aedificaiivum, quantum ad spem quae erigit, vel quantum ad illuminationem, et perfectivum, quantum ad charitatem, quae consummat, vel quantum ad perfectionem, et quaecumque alia providentiae superiorum pertinentis ad actiones, reducentis, quantum ad terminum ad. quem, et convertentis quantum ad terminum a quo : convertentis dico,id est,conversivae secundorum, id est, inferiorum.

Autem, id est, sed est, id est, contingit quando illa organa, id est, instrumenta, quae acta sunt, id est, peracta, secundum quod Scriptura fingit figuras a sanctis Angelis sint symbola, id est, signa, et, id est, etiam divinorum judiciorum in nos. Aliis quidem instrumentis et securibus declarantibus disciplinam Dei, quae est eruditio per difficilia, corrigentem, quantum ad eos qui disciplinis emendantur, aut justitiam Dei punientem malos qui non corriguntur. Vero, id est, sed aliis instrumentis pertinentibus ad aedificandum declarantibus libertatem, id est, liberationem ab angustia, aut finem disciplinae, ut supra, aut resumptionem prioris beneficentiae, aut appositionem aliorum donorum vel priorum parvorum, scilicet donorum, aut magnorum sensibilium, id est, temporalium, aut invisibilium, corporali visu, ut spiritualium, et omnino, id est, universaliter perspicax animus sciens ex similibus similia conjicere, forsan non dubitaret visibilia pulchre, id est, decenter, adunare invisibilibus.Ipsos etiam ventos. Hic incipit determinare de formis aliis ab homine. Et primo de sensibilibus, scilicet quae non habent sensum. Secundo de sensibilibus, ibi (g 11), Sed quoniam quidem, etc.

Prima dividitur in duas. In prima determinat de his quorum generatio est in aere ex resolutis a terra et aqua. Secundo, de his quorum generatio est ex vapore in terra retento,ibi(sig. 10),Ipsa etiam aeris.

Prima in duas, secundum quod duo vapores resolvuntur,scilicet vapor siccus, qui est principium ventorum, et humidus, qui est principium pluviae. Et ideo primo determinat de ventis. Secundo, de nube quae facit pluviam, ibi(sig. 9 circa medium), Sed et nubis.

Circa primum primo ponit significationem venti quantum ad motum, Secundo quantum ad substantiam et virtutem.

Littera sic legatur :Etiam ipsos Angelos nominari ventos. In Psal. CIII, 3 : Qui ambulas super pennas ventorum. Hoc dico, significat velocitatem eorum, scilicet Angelorum in superiora, sicut motus venti est velox, propter hoc quod calidum impellitur ex circumstanti frigore, et significat effectum pervenientem ab Angelis in inferiores omnes fere absque mora, propter virtutem agentis, et significat motum Angelorum transvectivum de sursum in ea quae sunt deorsum, que, id est, et de deorsum ad sursum : moventur enim de caelo ad nos deferentes nobis voluntates et judicia divina, et de nobis in caelum deferendo vitam nostram ad Deum : et hoc est quod sequitur. Motum dico erigentem quidem secunda, id est, inferiora ad celsitudinem superiorum, reducendo ea in participationem superiorum, in quantum motus est sursum, que, id est, et moventem prima, id est, superiora ad processionem communicativam et providam minorum, id est, inferiorum, in quantum faciunt superiora communicare proportionaliter, deferendo inferioribus illuminationes procedentes a superioribus, quod significatur per eorum descensum : et hoc sumitur secundum formam motus venti, cujus motus non est certus, sed ad diversas partes : movetur enim sursum, in quantum participat calorem accidentalem ex actione solis, et movetur deorsum secundum quod

habet vel participat naturam terrae, et quodcumque eorum deficeret, cessaret ventus : et ideo quamdiu durat, movetur ad diversa : propter quod impulsus ejus nonest continuus.

9