DUBIUM.

Sed videtur, quod male ordinet. i. Virtutes enim sunt ante Potestates : unde et de eis primo exsequitur : unde inconvenienter praeposuit eas Potestatibus.

2. Praeterea, Sicut dicit Philosophus in I Caeli et Mundi, " Virtus est ulti-" mum potentiae. " Cum igitur hierarchia sit totum potentiale, cujus partes ordinem habent secundum ordinem potentiae, videtur quod Virtutes praemittere debuerit.

3. Praeterea, Majus est occurrere legibus naturae, quod est Virtutum, quam coercere malitiam, sive spiritualium, sive corporalium, quod est Potestatum : ergo Virtutes sunt supra Potestates.

Solutio. Dicimus, quod simpliciter Virtutes sunt supra Potestates secundum accessum ad Dominationes, quae sunt supremae in hac hierarchia, cum Potestates dicant jurisdictionem sicut et Dominationes, Virtutes autem non : ergo quodam modo Potestates sunt supra Virtutes : et propter hoc etiam secundum conformitatem Ecclesiasticae hierarchiae in qua potentia ex jurisdictione principalior est, Gregorius posuit Virtutes in ultima hierarchia, quae jurisdictionem

non dicunt. Et per hoc patet solutio ad objecta.