BALTH. CORDERII, S. J. INTERPRETATIO.

Haec a nobis dicta sint propter materiales illas ac dissimiles, quae in sacris eloquis habentur, angelorum delineationes : deinceps vero definiendum, quid ipsammet hierarchiam esse arbitremur, quidque consortes ejus ex ipsa capiant emolumenti. Sit autem dux verbi Christus (si mihi fas sit dicere) meus, qui universam illam hierarchicam inspiret elucidationem. Tu vero, fili, juxta sanctam hierarchicae nostrae traditionis sanctionem, prout sancta decet, audi quae sacrosancte proferuntur, ipsemet divinus divina doctrina factus, atque animi secreto

animi quae sancta sunt circumtegens, ex immunda multitudine tamquam uniformia custodi. Non enim fas, ut eloquia aiunt, in porcos projicere invisibilium margaritarum inconfusum et luciformem beneficumque ornatum .