DIVISIO ET EXPOSITIO TEXTUS,

A. Haec quidem, est quantum ad nos causa, etc.

In praecedenti capitulo ostendit quae sit angelica hierarchia, quoniam illa quae primo recipit illuminationes a Deo, et defert eas ad nos, edisserens per hoc nominis rationem. In isto vero capitulo ostendit, quare hoc nomen, Angelus, communiter omnibus attribuatur a Scripturis .

Dividitur autem in tres partes. In prima continuat se ad praecedentia. In secunda ostendit propositum, ibi, Scrutari autem, ut aestimo, etc. In tertia praelibat quaedam quae dicenda sunt in sequentibus, ostendens necessitatem sequentis partis, ibi B, Sed ut magis a nobis ratio .

Littera sic legatur : Diximus, quod Angeli eo quod primo accipiunt illuminationes a Deo et eas ad nos deferunt, Angeli dicuntur : et propter hoc etiam Jesus est Angelus dictus : et haec quidem, id est, certe, quantum ad nos, id est, secundum opinionem nostram, est causa cognominationis angelicae in eloquiis, id est, quare a sacra Scriptura sic vocantur.

Scrutari autem. Hic ostendit propositum. Et dividitur in tres partes. Primo enim ponit quaestionem. Secundo unam solutionem, ibi, Dicimus antem, Tertio ponit aliam, ibi, Nisi quidem quis, etc.

Littera sic legatur : Haec est ratio angelici nominis : autem id est, sed ut aestimo, id est, ex dispositione Scripturae conjicio, oportet scrutari ob quam causam Theologi sacra dicentes quidem, id est, certe, simul, id est, pariter omnes caelestes essentias vocant Angelos.

Ad manifestationem autem. Incipit ponere rationem dubitationis. Theologi venientes ad manifestationem ipsarum, dispositionum, id est, ordinationum supermundanum, id est, super mundum nostrum existentium, specialiter nominant ordinem angelicum terminantem completive res, scilicet hierarchicas, divinas quantum ad lumen divinum, et caelestes quantum ad locum congruentem, id est, illum ordinem in quo stant completae, et ultra inferius non procedunt, scilicet ultimum ordinem et infimum. Vero, id est, sed ipsi ordinant ante ipsum ordinem angelicum superposite, id est, ex parte superiori, angelicos ornatus, id est, illos ordines qui secundum dispositionem hierarchicam ornantur nobilioribus donis, vel ornatus areuangelicos, id est, ordinem A rchangelorum qui supra eum immediate ordinatur : que, id est, et, principes, id est, ordines principatuum, et potestates et virtutes, et ordinant essentias superfirmatas his, id est, firmiter ordinatas super praedictos ordines, quascumque, scilicet, essentias, traditiones Eloquiorum, scilicet, sacrae Scripturae manifestatoriae, id est, manifestantes nobis divina, cognoscunt, id est, cognoscere faciunt : et hoc ideo dicit, quia non omnia traduntur in Scripturis pertinentia ad ordines eorum, multa enim etiam ipsos latent soli Deo cognita, nec dum tradente sacra Scriptura. Est ergo ratio dubitationis, cum sit nomen unius ordinis, quare omnes sic dicuntur, Dicimus autem etc. Hic ponit primam solutionem, dicens : Autem, id est, sed adversative praedictis, nos dicimus, solvendo, quia per omnem sanctam dispositionem, id est, in qualibet sancta ordinatione est hoc quod ordines excellentes, id est, superiores quidem, id est, certe habent illuminationes quantum ad cognitivam, et virtutes quantum ad activam, inferiorum dispositionum, id est, ordinum : autem, id est, sed ultimi ordines non sunt participantes excellentium se, id est, eorum qui excedunt eos, et hoc participando dona eorum : igitur propter hoc Theologi sanctissimos ordines excellentissimarum essentiarum, id est, superiorum, vocant Angelos. Etenim, id est, quia etiam ipsi, scilicet superiores sunt manifestatores divinae illuminationis inferioribus, cum habeant quod est inferiorum : vero, id est, sed Theologi non habent rationem nominandi, id est, qua nominare deceat extremum, id est, infimum ordinem caelestium animorum, id est, intellectuum, Archas, id est, principes, aut Thronos, aut Seraphin : neque enim scilicet extremus ordo est in participatione excellentissimarum virtutum, id est, donorum quae sunt in superioribus : sed sicut ipse ordo infimus reducit ad divinos fulgores, id est, illuminationes cognitos ei ordini nostros, id est, nostrae hierarchiae summos sacerdotes, scilicet qui super alios sunt aliis sacra dantes, divinos, id. est, divina sapientes : sic et ad, , uc ,procedentes ultra immundae, id est, valde mundae. In Graeco enim AdminBookmark , quod est valde sacrae vel omnino, quod translator edidit AdminBookmark quod est non sacrum. Unde translatio vitiosa est. Virtutes essentiarum ante se, id est, quae sunt supra ipsum, reducunt eum, et illae superiores virtutes sunt dispositionis, id est, ordinis consummantis, id est, perficientis angelicas hierarchicas, id est, ordinem angelicum ad divinum lumen : quia in ipso perficiunt inferiores.

Nisi quidem, etc. Hic ponit secundam solutionem, dicens : Ita quidem solvendum est, nisi quidem quis, id est, aliquis et, id est, etiam dixerit et hoc, omnes angelicas nominationes esse communes, id est, omnibus communiter convenire, secundum subjectionem et communicationem supereminentem omnium caelestium virtutum in deiforme, id est, Deo conformans quantum ad reductionem, et datum ex Deo lumen, quasi exemplatum, id est, propter hoc omnes dicuntur Angeli, quia omnes communicant divinum lumen secundum ordinem subjectionis et supereminentiae ad invicem, ita quod subjectis ab eminentibus nuntiatur.