BALTH. CORDERII, S. J. INTERPRETATIO.

Porro si quis absonas effigiationes improbant, pudendum asserens, tam turpia deiformibus sanctissimisque adornationibus affingere simulacra, satis sit illi reposuisse, duplicem esse sacrae illius mysticae manifestationis modum.

Unum quidem, qui, ut par est, per similes sacrarum figurarum imagines procedit ; alterum vero, qui per dissimiles effbrmationes ad omnimodam dissimilitudinem et discrepantiam effingitut.

Ipsorum spiritualium. Ei est talis : Verius dicitur de aliquo quod convenit sibi ut significatur per verba, quam quod per similitudinem sibi convenit: sed ea quae affirmantur de ipsis Angelis, conveniunt eis per similitudinem, negationes vero ut per verba dicitur : ergo negationes magis vere conveniunt et dicuntur de eis: sed. dissimilia magis relinquunt negationes, cum negationes a dissimilitudine causentur : et ita congruentius describuntur per dissimilia.

Circa hoc tria facit. Primo dicit duos esse modos tradendi spiritualia. In secundo adstruit hoc ita esse per hoc quod ita est in divinis, et quis modus verior sit, ibi (sig. 1)), Itaque et colendam, etc. Tertio concludit propositum, ibi (sig. 8 A), Si igitur negationes.

Circa primum iterum duo facit. Primo resumit inconveniens. Secundo incipit ponere modos, ibi, Sufficit ad hunc.Littera sic legatur : Autem, id est, sed adversatur causae positae, si quis, id est, aliquis aestimaverit deformes, id est, indecentes esse causas assignatas descriptionis imaginum, id est, quare describantur Angeli per imagines corporales, dicens dehonestant, id est, inhonestum esse, hoc est, indignum, referri sic, id est, taliter ut Scriptura facit, turpes, id est, indecentes formationes dispositionibus deiformibus ac sanctis simis, id est. Angelis dispositis in divina sanctitate. Si, inquam, sic aestimaverit quis, sufficit ad hunc dicere, id est, sufficienter sibi sic respondetur, quomodo duplex est modus sanctae manifestationis, quo manifestantur scilicet Angeli. Unus quidem quasi consequens, id est conveniens naturae eorum, propter imagines sacrarum

figurarum provenientium similes, non simpliciter, sed secundum proportionalitatem, quae est similitudo proportionum, et est ad minus in quatuor, vel tribus, uno in ratione duorum accepto. Et talis convenientia est corporalium ad spiritualia, sicut cum dicimus : sicut se habet rota ad motum in omnem partem, sic se habet Angelus ad obediendum Deo in omnibus. Non autem communicant in participando eamdem qualitatem, in quo est similitudo. Consequens etiam quandoque dicitur aliquid, quod inest per prius uni, et per posterius alteri : et sic non accipitur hic, sed dicitur consequens quando describuntur Angeli per figuras provenientes ex rebus in genere corporeo magis eis propinquis. Inconsequens vero quando describuntur per figuras rerum magis ab eis distantium. Alter vero, modus magis est formatus . a Scriptura, in omnino inconsequens, id est, remotum secundum naturam, licet secundum proportionem ad actum conveniant, et indecorum, id est, indecens propter ejus vilitatem. Inconsequens dico propter facturas, id est, fictiones, formarum, id est, figurarum, dissimiles, id est secundum naturam a rebus acceptas.

6