DIVISIO ET EXPOSITIO TEXTUS.

A. His autem diffinitis, etc.

- In ista parte determinat consequentia hierarchiam ratione eorum quae continentur in hierarchia. Et dividitur haec pars in quatuor, secundum quod determinat quatuor quaestiones ex prius determinatis incidentes, quae determinantur in quatuor capitibus per ordinem. In hoc autem capitulo determinat hanc quaestionem, Cum Virtutes sint specialis ordo , ut determinatum est, quare omnes caelestes essentiae Virtutes vocantur ? Et dividitur hoc totum in duas partes, in quarum prima movet quaestionem. In secunda determinat eam,ibi (sig. un B), Dicimus autem, quia communiter, etc.

Prima iterum dividitur in duas. In prima ponit quaestionem. In secunda removet rationem quamdam quae posset dari, similem cuidam solutioni prius da-Non enim dicendum est ut in Angelis, etc.

Littera sic legatur: Determinavimus propria uniuscujusque hierarchiae et ordinis. His autem ita diffinitis, illud est, dignum intelligere, id est, necessarium,

tionibus in illas pro cujusque captu partiliter derivatis.

ob quam causam consuevimus omnes angelicas essentias simul vocare caelestes Virtutes, cum Virtutes sint in speciali ordine. Non enim est dicendum, solvendo hanc quaestionem, ut in Angelis, id est, sicut dictum est in quaestione, quare omnes vocantur Angeli in capite V, quoniam, id est, quod ipsa dispositio, id est, ordo sanctarum Yirtutum est novissima omnium, id est, ordinum, sicut dictum est de Angelis, et quidem dispositiones, id est, ordines superpositarum, id est, superiorum essentiarum, participant sanctam illuminationem et decoram, id est, decentem unicuique essentiarum novissimarum, id est, inferiorum : ultimae vero, id est, inferiores nullo modo participant illuminationibus primarum, id est, superiorum, ut possint ab eis denominari. Etiam scilicet non est dicendum, quod omnes divini intellectus, id est, Angeli deiformes, hujus gratia, id est, propter dictam rationem, nominantur caelestes Virtutes, ut ab inferiori, et nullo modo nominantur Seraphin et Cherubin et Dominationes, propter hoc quod sunt superiores: extremae enim, id est, illuminationes ultimarum sunt participatae ab lsissimis, id est, supremis universalibus proprietatibus: quia in superioribus sunt universaliori et perfectiori modo. Ita dico non est dicendum : usque huc enim pendet constructio. Ipsi namque Angeli et Archangeli, qui sunt ante Angelos, et Principatus, et Potestates ordinati ab ipsa Theologia post Virtutes, secundum quod est specialis ordo, communiter vocantur saepe a nobis caelestes Virtutes, similiter cum aliis, sanctis essentiis, id est, sicut etiam superiores. Unde cum tam superiores quam inferiores vo- centur hoc nomine, oportet quaerere aliam solutionem. Dicimus autem, etc.