EXPOSITIO TEXTUS.

Dicet autem, etc.

Id est, Fortassis quis dicet cognominationem ventosam spiritus, id est, venti aerei, non quantum ad materiam, sed quantum ad proprietatem subtilitatis significare deiforme caelestium, id est, Angelorum : habet enim ventus similitudinem quamdam ad divina,maxime quantum ad subtilitatem. Enim, id est, quia, et, id est, etiam hic, scilicet aereus ventus, habet imaginem et formam, id est similitudinem divinae operationis, ut demonstratur per plura in symbolica Theologia, id est, in quodam libro quem fecit de his quae symbolice de Deo dicuntur, per tetrasticam, id est, quadripartitam dijudicationem, id est, determinatio-

gentias declarans arcano quodam lumine supermundialiter repletas, primilucam illam apparitionem sine fastu suscipere, atque luculenter eamdem in inferiora per remissiorem illustrationem pro illorum captu transfundere, nec non illas Insuper foecunditate, atque animandi augendique ac perficiendi virtute praestare, propter intellectualis imbris generationem, quae subjectum sibi gremium Impinguantibus pluviis ad vitales partitudines informat.

nem : divisit enim librum istum in quatuor partes, secundum quod sensibilia sequuntur naturas quatuor elementorum, ex quibus componuntur. Habet dico formam secundum capacitatem motivam naturae ad vivificationem. : ventus enim secundum quod est in forma aeris per evaporationem attribuuntur sibi proprietates aeris. Aer autem propter hoc quod est calidus et humidus, convenit sibi esse principium vitae, quae est in calido et humido, ut dicit Philosophus, et capacitatem etiam gignentem : competit enim aer optimae generationi, propter calidum bene movens, et humidum bene mobile : et ideo omnia semina sunt calida et humida. Et iterum velocem, secundum quod non multum resistit transmutationi, sed velociter capit impressiones,et potentem, in quantum est potens ad recipiendum omnes impressiones, propter humidum bene terminabile ad aliu d. Dicitur hic potens a potentia passiva, non activa : et haec etiam suo modo conveniunt divinis, ei significant etiam ignotum nobis et invisibile latibulum principiorum moventium, scilicet divinorum et consummationum, secundum quod est primum movens, et ultimus finis, habitans lucem inaccessibilem : quod significatur per invisibilitatem aeris et venti, quae etiam sunt principia, ut dictum est, et invisibi- lia propter subtilitatem qua non constant partes ut subjiciantur visui. Et quod ventus sit latens, confirmat per Evangelium, dicens : Enim, id est, quia Dominus inquit, Joan. III, 8 : Nescis unde spiritus, id est, ventus venit, aut quo vadit, ''per visum, quamvis sciatur per rationem. Et nota, quod Augustinus expo-.nit hoc de Spiritu sancto, sed Chrysostomus et Dionysius de vento.

Sed ei, id est, etiam Theologia circumformat ipsis, scilicet Angelis, speciem, id est, significationem nubis. Job, xxxviii, 34 : Numquid elevabis in nebula vocem tuam? Et eodem, xxxvii, 11: Nubes spargunt lumen suum, etc. Et eodem, xxxvi, 29 : Si voluerit extendere nubes quasi tentorium. Theologia dico significans per hoc quod eos describit in figura nubis, sacros intellectus esse quidem superrepletos, quantum ad copiam, supermundane, quantum ad modum recipiendi luminis occulti, scilicet divini, accipientes pompose, id est, gloriose et clare primam manifestationem luminis secundum quod immediate a Deo accipiunt et primo, prima apparitione, quantum ad modum accipiendi : quia sine continuo et tempore et inquisitione, sicut dicit Alexander in libro de Motu cordis, quod Angelus est substantia illuminationum quae sunt a primo prima relatione acceptiva. Nubes enim secundum quod sunt sub sole, lumen ejus occultatum in superiore superficie recipiunt. Angeli et ipsam, scilicet manifestationem luminis, distribuentes in ea quae sunt secundo, scilicet in animas, quae secunda relatione

recipiunt : vel in quoslibet etiam inferiores Angelos copiose, quantum ad multitudinem manifestatorum, lucide quantum ad evidentiam medii,et proportionaliter secundum capacitatem recipientis. Nubi enim accidit sensim transfundere lumen receptum a sole, prout scilicet opponitur soli, et reverberatur ad ipsam radius ejus, et significat, quia eis, scilicet Angelis, subsistit, id est, substantialiter convenit genitale, sicut nubes per pluviam stillantem movet ad generationem per commixtio elementorum, et vivi-ficum, secundum quod movet semina ad vitam in actu et activum secundum quod jam. nata facit crescere, et perfectivum, secundum quod in fine perficit fructus. Et secundum tria prima dicitur matutina, secundum ultimum serotina : et hoc Osee, VI, 4 . Et hoc convenit Angelis juxta conceptionem intellectualem non corporalem imbrium, secundum quod inferiora per illuminationes quasi imbres ab eis fluentes recipiunt esse et vitam et augmentum et perfectionem in gratuitis, et significat conceptionem evocantem, id est, deducentem humidis pluviis ab humida nube fluentibus sinum, id est, terram excipientem, id est, recipientem pluvias in partus vitales plantarum, quarum terra est sicut mater, ut dicit Philosophus etiam : et hoc quantum ad effectum in natura primum, quantum ad virtutem agentem. Et similiter deducunt Angeli inferiores se in conceptus vitales reducendo in ipsum primum principium vitae.

10