EXPOSITIO TEXTUS.

B. Verumtamen, etc.

HIC ostendit, quod iste ordo est medius in ista hierarchia, dicens : Licet eorum sit hierarchia una, verumtamen quoniam quidem, id est, certe non est aliqua hierarchia nisi habens virtutes et primas et medias et ultimas dispositas in ipsa,sanctus ordo Archangelorum recipitur medictati hierarchiae extremorum, id est, ordinatur in medio duorum extremorum ordinum hujus hierarchiae, scilicet Angelorum et Principatuum : et hoc communicative, id est, per imitationem proprietatum utriusque ordinis. Etenim, id est,quia communicat: proprietatibus imitando sacratissimis Principatibus et etiam sanctis Angelis.

Et ponit tres proprietates in quibus convenit cum Principatibus, quarum tertia est in communicando, aliae in recipiendo. Prima quidem quantum ad receptionem, secunda quantum ad perfectionem in illo quod recipitur. Dicit ergo : Quidem, id est, certe ordo Archangelorum communicat ipsis, scilicet Principatibus : quia convertitur per contemplationem et desiderium ad principium superessentiale, scilicet Deum, secundum quod principium dicit principatum, ut supra expositum est : et hoc principaliter, id est, recipiendo ab ipso

principandi dignitatem, et dispensandi principatus, diversitatem tamen in principatibus, ut dictum est, et haec est prima. Et reformatur, id est, conformatur ad ipsum principium propter factam assimilationem, ut possibile est sibi, et haec est secunda. Ei etiam unificat reducendo ad primum unum Angelos secundum ducatus quibus eis praesunt, bene ornatos, quantum ad plenitudinem bonorum quibus conducunt, eos reducendo ad finem, et ordinatos, quantum ad dispositionem in hierarchia et ordine, et invisibiles, visu scilicet corporali, quantum ad naturam illuminationum. Sic igitur et Principatus et Archangeli immediatam actionem regiminis habent in Angelos : sed Angeli ut illuminatores et persuadentes tantum, Principatus et Archangeli ut exsequentes per eos propria auctoritate commutationem vel conservationem terrenorum principatuum. Vero, id est, sed communicat istis, scilicet Angeli. : quia et , id est, etiam eis, scilicet Archangelis sicut et Angelis est, id est, convenit quod est suscipiens hierarchice, id est, secundum ordinem hierarchicum, divinas illuminationes per primas virtutes, id est, per superiores ordines, et hoc hypofaetico ordine, AdminBookmark ab AdminBookmark quod est

sub, et AdminBookmark quod est operatio , quasi operando sub dispensatione Principum, sicut et Angeli, licet diversimode, ut dictum est: et haec est una proprietas in accipiendo. Vel prophetico ordine, id est, accipiendo per occultam inspirationem a Deo procedentem, ita quod non sit similitudo ad Prophetam, quantum ad ea quae sunt ex parte Prophetae recipientis, ut recipere symbolis, et sub differentia temporum, sed tantum quantum ad primum principium emanationis luminum, et etiam convenit eis quod est annuntians eas illuminationes Angelis deiformiter, quantum ad modum suscipientis : quia omnes deiformen intellectum habent, et etiam est manifestans nobis eas per Angelos medios non jam deiformiter, sed secundum sacram analogiam, id est, proportionem capacitatis unius cujus ciue de numero illuminatorum divinitus, id est, lumine divino, et haec est secunda proprietas qua conveniunt cum Angelis in communicando illuminationes nobis et inferioribus Angelis.

3