BALTH. CORDERII, S. J. INTERPRETATIO,

Quinimo fas sit etiam ex qualibet, ut arbitror corporeae nostrae multipartitione non incongruas imagines haurire, quae caelestes virtutes repraesentent, ut si dicamus videndi quidem facultates declarare perspicacissimam ad divina lumina suspectionem, nec non simplicem ac liquidam minimeque refragantem, sed agilem, puramque patulamque divinarum illustrationem sine passione susceptionem.

Olfactuum vero discernendi vires vim esse, quae mentem superantis fragrantiae diffusionem, quantum fas est, percipit,resque foetidas perite discernit, et omnino refugit.