EXPOSITIO TEXTUS.

A. Lucet autem, etc.

HIC ostendit, quod sicut operationes omnium reducuntur in primum principium, ita etiam operationes inferiorum . reducuntur in superiores, dicens : Autem, id est, sed divina claritas sicut lucet omnibus ex Deo, ita etiam lucet secundis per prima, et hoc ita est per singula. Et si oportet breviter dicere, primo ducitur ex occulto divinitatis ad manifestum uniuscujusque per primas, idest, superiores virtutes, Ergo Theologus, scilicet Isaias, didicit hoc ex Angelo ducente eum in lucem divinam. Hoc ergo est, scilicet quod didicit, purgationem et omnes divinas operationes, ut perfectionem et illuminationem, et siquae sunt aliae, distribui per primas essentias in omnes reliquas, scilicet inferiores, relucentes, id est, ut reluceant in eis : et hoc secundum analogiam uniuscujusque inferiorum ad participationes deificas, id est, divinorum, per quae deiformes sunt. Propter

ritate conjunctius sit invenire, aut ab alio discere (Deo scilicet verbum tribuente, quod et angeli interpretentur), nobisque angelorum studiosis revelare clariorem (si fieri possit) mihique gratiorem contemplationem.

quod et, id est, etiam inferior Angelus reposuit ipsis Seraphin sicut praeoperantibus consequenter post Deum, cui primo reposuit proprietatem, purgativam ignite, id est, per ignem quo purgasse dicitur labia Prophet. Ergo, ut patet ex dictis, nihil est inordinatum, id est, contra dispositionum ordinem, si Seraphin dicitur purgare Theologum, ut primo operans, non sicut exsequens : sic enim etiam Deus purgat omnes qui purgantur totius, id est, cujuslibet vel perfectae purgationis, quorum est causa prima : et ideo Angelus exsequens ostendit Dominum et Seraphin accipientem calculum de altari, ut ostenderet Deum operari ut primam causam, et consequenter Seraphin per virtutem receptam ab ipso.