DUBIA.

Et omnem hierarchiam, etc.

Hic determinat de tribus aliis connexionibus. Et primo de connexione ordinum in hierarchia una. Et circa hoc sunt quatuor dubia.

Primo, Utrum sit connexio trium ordinum in hierarchia una ?

Secundo, de connexione personarum In ordine uno.

Tertio, de connexione ordinum in persona una.

Quarto, Utrum ordines remaneant post diem judicii ?

Circa primum sic proceditur.

1. Videtur enim, quod tres ordines unius hierarchiae non connectantur : quorum enim non est unum donum, non est unum opus, nec unum dirigens in opere : cum igitur trium ordinum non sit unum donum, " ordines enim distinguuntur se-"cundum dona, " ut dicit Gregorius: ergo eorum non erit opus unum, nec unum dirigens : et ita non videntur In aliquo connecti.

2. Ad idem, Connexio aliquorum non

Nihil est enim per se absoluteque perfectum, aut quod omnino perfectionis non indigeat, nisi quod per se revera perfectum est, et praeperfectum.

potest esse nisi secundum proprietates conveniant : quia si in his non conveniunt, nec in essentialibus e quibus manant : sed diversorum ordinum etiam qui. sunt in hierarchia una, assignavit diversas proprietates : ergo non videtur eorum esse connexio.

3. Praeterea, Ab una simplici illuminatione non est nisi unum: si igitur sunt diversa dona et actus in diversis ordinibus, eorum non est illuminatio una : ergo nec connectuntur in aliquo.

4. Praeterea, Si esset illuminatio una descendens in omnes, aut aliquid adderetur illi illuminationi, aut nihil. Si nihil, non distinguentur per eam diversi ordines. Si autem adderetur aliquid per superiores Angelos per quod distinguitur in aliquo ordine a primis, cum additum id quod distinguit eos in speciali ordine, sit eis causa gloriae, videtur quod unus Angelus sit causa gloriae alterius. Quod est falsum : quia hoc solius Dei est: ergo videtur quod non sit Illuminatio descendens in omnes, et ita non connectuntur.

Ad oppositum.

1. Major est communitas eorum qui sunt in hierarchia una, quam eorum qui sunt in diversis : sed omnes hierarchiae connectuntur, ut supra habitum est: ergo multo fortius ordines unius hierarchiae.

2. Praeterea, Quaecumque sunt unius sacrae scientiae et actionis, connectuntur in his : sed ordines unius hierarchiae sunt hujusmodi, quia haec est diffinitio hierarchiae : ergo connectuntur.

Solutio. Dicimus, quod tres ordines unius hierarchiae connectuntur, et magis etiam quam illi qui sunt in diversis hierarchiis, secundum quod magis uniformiter se habent in recipiendo et commu- nicando divinas illuminationes, quam in diversis hierarchiis : quod enim est in inferiori ordine, est et in superiori eminenter : et ideo in eodem dono connectuntur tres ordines. Et concedimus rationes ad hoc.

Ad primum vero dicendum, quod licet denominantur a diversis donis, quia primi praecedunt secundos in donatione inferiorum donorum, tamen superiores non excluduntur a donis inferiorum, sed eminentius participant, et supra proprietates consequentes donum illud : et ideo in his connectuntur. Et per hoc patet solutio ad secundum.

Ad tertium dicendum, quod non solum una illuminatio descendit a Deo, sed plures, in quantum ad plura illuminantur : una tamen et eadem est recepta in omnibus : quia superiores communicant inferioribus suas illuminationes, secundum quod possibile est, et illuminationes inferiorum sunt eminentius receptae a superioribus : et ideo etiam sunt distincti, et tamen connectuntur.

Ad quartum dicendum, quod non additur aliquid active per primos, quo sequentes determinentur in ordine : sed radius procedens distinguitur ex diversa capacitate recipientium., sicut ex lumine corporali generantur diversi colores.

Circa secundum sic proceditur.

i. Videtur enim, quod eorum qui sunt in ordine uno, non sit hujusmodi connexio : eorum enim qui su?????? gradu uno, non est ordo ad se : cum igitur sit gradus quidam potestatis, non videtur esse connexio eorum qui sunt in ordine uno, quae est primi, medii, et ultimi.

2. Praeterea, Eorum quorum non est aliqua ratio ordinis, non est connexio una ordinata : sed eorum qui sunt in ordine uno, non est aliqua ratio ordinis, cum habeant donum unum : ergo non habent connexionem.

3. Praeterea, Distinctio personarum est secundum multiplicationem materialem : talis autem non habet finem, cum sit i

infinitum : et ita nec principium nec medium : ergo videtur, quod diversarum personarum in ordine uno non sit determinanda talis connexio.

4. Praeterea, Sicut se habent intelligentiae moventes ad motum, ita se habent Angeli ministrantes ad ministerium : sed ad unum motum non ordinantur, secundum Philosophos, intelligentiae primae, mediae, et ultimae : ergo nec in uno ordine eis est ministerium unum unde debent connecti primi, medii, et ultimi.

Ad oppositum.

1. Inter corporalia est connexio secundum ordinem primi, medii, et ultimi : ergo videtur, quod etiam in spiritibus incorporalibus unius ordinis.

2. Praeterea, Lex divinitatis est ubique per prima media, et per haec ultima reducere, ut supra dictum est : ergo erit etiam hoc in eodem ordine.

Solutio. Dicimus concedendo, quod in Angelis etiam unius ordinis sunt primi, medii, et ultimi : non enim sunt inter eos aliqui duo ejusdem speciei, nec aequales in donis, ut supra capite quarto disputavimus. Unde natura communis unius ordinis non est natura speciei specialissimae, sed natura generis propinqui : potentia autem generis non est infinita sicut potentia materiae ad infinitas formas successive, sed est determinabilis ad differentias finitas ad quas comparatur secundum gradus quosdam quibus de intimis transitur per media ad novissima in genere illo, sicut natura animalis ascendit ab aquaticis omnino ad silvestria per media quaedam quae pascunt in terra, et generantur in aquis, vel e converso, ut dicit Philosophus in VII de Animalibus. Et similiter vita transfertur de plantis in animalia perfecta per quaedam media, quae sunt affixa ut plantae, et habent sensum ut animalia, verbi gratia, conchilia. Ita etiam natura generalis quae est unius ordinis, determinatur per differentias quasdam, licet nobis ignotas, distinctas tamen secundum gradus : et sic habent ordinem in essentialibus et gratuitis, quae consequuntur ordinem naturalium, et ita connectuntur. Et similiter dicendum ad secundum de donis.

Ad tertium dicendum, quod person ejusdem ordinis non habent multitudinem materialem, sed sicut multiplicatur genus per differentias, diversitatem enim individuorum sequitur diversitas specierum, cum totum esse speciei et continuitas salvetur in uno individuo : in corruptibilibus vero licet totum esse speciei sit in uno, non tamen potest continuari in illo : et ideo ad evitandum periculum destructionis speciei, multiplicantur individua in una specie.

Ad quartum dicendum, quod ad motum uno modo se habentem non exigitur nisi unus motor, qui uno modo se habet: cum enim non lassetur in. movendo, velox motus est ex uno motore, et tardus ex alio : sed unus ordo non instituitur ad unum ministerium in numero, sed in genere : et ideo non est simile.

Circa tertium sic proceditur.

1. Videtur enim, quod inuno et eodem Angelo non sit connexio secundum primas et medias et ultimas ordinationes, sicut simplex aliquod ordinatum non habet primam, mediam, et ultimam ordinationem : sed intellectus Angeli est simplex : ergo secundum ord.inati.onem qua ordinatur ad unum, quod est Deus, vel quodcumque intelligibile, non habet principium, medium, et ultimum.

2. Ad idem, In nobis potest esse ordinatio primi, medii, et ultimi, propter multos gradus potentiarum, quarum una subest alteri : sed. in Angelis non sunt hujusmodi potentiae, nisi tantum intellectus et voluntas : ergo, etc.

3. Praeterea, Cum gratuita in Angelis consequantur naturalia, si tantum naturalia se habent uno modo, et gratuita: sed naturalia uno modo se habent, quia unum est influens eodem modo se habens similiter recipiens uno modo se habens :

ergo non videtur distinctio esse primi, medii, et ultimi in una persona.

4. Item, Objicitur de expositione Commentatoris, qui primi, medii, et ultimi, quae faciunt connexionem in una persona, dicit inesse essentiam, virtutem, et operationem, his verbis : " Tres isti ordi- " nes sive ordinationes intelligendi sunt " ita : quia omnis animus habet substan" tiam, secundum quam primum est, " deinde virtutem secundum quam con-"junctus est, postremo ordinationem " secundum quam propria operans pie " agit. " Sed contra : Virtus sola participat illuminationem per se, et non essentia et operatio, nisi per virtutem : in aliis autem connexionibus unumquodque connexorum participat per se illuminationem : ergo haec connexio non respondet praedictis, sed est aequivoca eis.

5. Praeterea, In aliis connexionibus erant tres capacitates : hic autem non est nisi una, habens haec tria : ergo haec non est ejusdem rationis cum. aliis.

6. Praeterea, Secundum hoc cum daemones haberent haec tria, essent connexi : quod falsum est, cum sint maxime divisi

Ad oppositum.

1. Quaecumque habent plures potentias ordinatas ad unum, habent connexionem primi, medii, et ultimi in suis virtutibus : sed Angeli habent plures potentias, scilicet intellectum et voluntatem ordinatas ad unum, quod est ipsorum perfectio : ergo, etc.

2. Praeterea, De similibus idem est judicium : sed in nobis qui communicamus cum Angelis intellectu, est hujusmodi connexio virtutum : ergo et in Angelis.

Solutio. Dicendum, quod in uno Angelorum est connexio operationum sive virtutum secundum primum, medium, et ultimum : cum enim illuminatio quae in eos transfunditur, purget, illuminet, et perficiat,ordinem habet ad perfectionem: perfectio autem felicitatis contemplativae, secundum Philosophum et Dionysium, perficitur delectatione adjuncta contem- plationi : non enim solum, ut dicit Plato, " Delectatio est generatio in sensibilem " animam, sed operatio affectivae, id est,. " ex operatione potentiae vel habitus se-" cundum naturam non impediti : et in " hoc est ultima perfectio rei : " oportet ergo ad perfectionem eorum, quod sit speculatio veri, et quod accipiatur verum ut bonum, alias non excitaret delectationem, quod moveat ut bonum delectando Primum autem est per simplicem speculationem intellectus. Secundum autem est intellectu inclinato ad affectum per modum practici intellectus. Tertium vero est secundum affectum. Et habent haec tria ordinem qui est in toto potestativo, secundum quod ultimum habet alia, et non convertitur : quod enim afficitur delectabiliter, habet acceptionem veri et boni : et quod accipit verum, et non convertitur. Unde in his tribus fit connexio, etiam in una persona, sicut in praedictis. Et concedimus rationes ad hoc.

Ad primum vero dicendum, quod intellectus Angeli est simplex secundum esse, et est multiplex secundum rationem, ut expositum est : et ideo secundum diversos modos accipiendi potest in ipso esse connexio.

Ad secundum dicendum, quod intellectus et voluntas sufficiunt ad hanc connexionem : quia aut est intellectus tantum, aut in ordine ad voluntatem, aut voluntas tantum. Et per hoc patet solutio etiam ad tertium.

Ad quartum dicendum, quod expositio Commentatoris non est perfecta, sed est adaptatio quaedam : quia sicut in ordine naturae ab essentia fluit virtus, et ab hac operatio : ita etiam imperfectio felicitatis ab opere redundat delectatio in virtutem, et inde in essentiam : et sic est aliquid

simile connexioni. Et per hoc patet solutio ad quintum.

Ad sextum dicendum, quod daemones non sunt connexi : quia, sicut dicit Dionysius, " infirmantur in na turali opera-" tione,. " secundum quam est connexio perfectionis, ut dictum est.

Circa quartum sic proceditur,

1. Videtur enim, quod ordines maneant. post diem judicii : quod enim non est ex parte, secundum Apostolum ''non destruetur : nihil autem quod est in patria, est ex parte : cum ergo ordines sint in patria, videtur quod perpetui erunt.

2. Praeterea, Sortes electorum sunt secundum ordinem Angelorum secundum illud, Statuit terminos populorum, etc . sed hae semper erunt : ergo et ordines Angelorum.

3. Praeterea, Sicut dicit Magister in Sententiis, gradus ordinum in Angelis disponuntur secundum gradus naturae : sed gradus naturae semper erunt in ipsis : ergo, etc.

1. Ad oppositum est quod dicit Apostolus, I ad Corinth. xv, 24 : Deinde finis cum tradiderit regnum Deo et Patri, cum evacuaverit omnem Principatum, et Potestatem, et Virtutem. Ergo etiam Angelos : et ita in fine etiam angelici ordines destruentur.

2. Praeterea, Hoc idem videtur per Glossam ibidem, quae dicit : " Dum du " rat mundus, Angeli Angelis praesunt, " daemones daemonibus, et homines ho-" minibus, ad utilitatem viventium vel " deceptionem : omnibus autem termina-" tis, jam omnis praelatio cessabit, quia " necessaria non erit : et sic cessabunt " ordines, quae sunt quaedam praelatio-" nes. "

3. Praeterea, Ordines statuti sunt, tu per superiores reducantur inferiores : sed in fine saeculi omnes reducendi erunt reducti : ergo, etc.

4, Praeterea, Custodia quae est proprium ultimi ordinis, non erit, et sic eadem ratione nec alii ordines.

5, Item,Videtur quod quidam maneant, et quidam non : quia quorumdam nomen imponitur a perfectione,sicut Thronis est plenitudo scientiae : quorumdam vero habet aliquid imperfectionis, ut signifer exercitus circa ministerium exercitus, sicut Principes et Angeli.

Solutio. Dicimus, quod ordines possunt tripliciter considerari, aut secundum sortes beatitudinis, et sic semper erunt : aut secundum quod quidam nobiliora dona habentes, nobilioribus donis ornantur, et copiosissime a Deo recipientes, aliis illuminationes transfundunt, et sic iterum semper erunt : aut secundum quod eorum illuminationes ordinantur ad reductionem hierarchiae nostrae, et sic non erunt post diem judicii in actu sui ordinis, sicut dux post victoriam manens domi, non est in actu ducis, nihilominus fungitur dignitate ducis, et gaudet de victoria per ipsum prius facta. Omnes autem ordines distinguuntur ab aliquo dono nobilitatis, quod eis semper inerit, licet quidam denominentur a ministerio quod circa nos exercent : quia per hoc magis nobis innotescunt. Et per hoc patet solutio ad ea quae quaesita sunt.