DIVISIO ET EXPOSITIO TEXTUS.

Quanti quidem sunt et quales, etc.

Determinatis in superioribus communibus hierarchiae, incipit hic tradere eorum propria. Et dividitur in partes duas. in prima determinat propria hierarchiae. In secunda determinat dubia quae ex determinatis oriri possent, et incipit in cap. XI, ibi, His autem diffinitis.

Prima autem pars dividitur in duas. In prima ordinat singulas hierarchias per propria eorum. In secunda ostendit ordinem totius angelicae synagogae, simul colligendo quae dixerat, ibi in cap. X, Connexa est itaque, etc.

Prima iterum dividitur in duas. In prima dividit hierarchias. In secunda de unaquaque per se determinat dividendo per ordines secundum propria singulorum, et incipit in cap. VII, ibi, Hunc nos recepturi, etc.

Praesens autem caput dividitur in duas partes. Inprima ostendit difficultatem materiae. In. secunda dividit hierarchias, ibi (sig. 4), Omnes Theologia caelestes. censeo divinum illum, a quo consecrantur, principatum, praeterquam quod et ipsis virtutes atque illustrationes propriae sint perspectae una cum sacra sua supermundialique ordina-

Circa primum duo facit. Primo ostendens difficultatem materiae dicit soli Deo omne perfectum esse cognitum. Secundo ostendit ex quibus procedendum est in isto opere, ibi (sig. 2), Impossibile, est, etc.

Littera sic legatur : Ita determinandae sunt proprietates caelestium dispositionum, quidem, id est, certe ego dico solam contemplativam principem perfectionis earum, scilicet essentiarum, id est, solam divinam contemplationem quae est principium perfectionis earum, scire diligenter, id est, perfecte quanti sunt et quales ornatus supercaelestium, scilicet angelicarum essentiarum, id est, dona quibus ornantur, et quomodo hierarchiae perficiuntur secundum eos ornatus. Hoc autem quod dicit, quomodo, referendum est ad distinctionem hierarchiarum et ordinum per istos ornatus. Quod vero dicit, et quales, referendum est ad fulgores gratiae et gloriae in ipsis. Et ne videatur per hoc tantum homines exclusisse a certitudine cognitionis eorum, removet etiam Angelos dicens : Adhuc dico et, id est, etiam eos, scilicet Angelos ,ignorare proprias virtutes quantum ad actiones, et illuminationes quantum ad cognitiones, et suam ordinationem sacram, quia circa sacra ministeria, ei superornatam, scilicet spiritualibus donis prae aliis qui sub eis collocantur, et hoc quantum ad dispositionem hierarchicam.