EXPOSITIO TEXTUS.

Impossibile enim, est, etc.

Hic ne videretur quod nihil deberet scribi de his, cum sint etiam in. Angelis non perfecte nota, quod enim non intelligitur, non potest dici neque scribi, ostendit ex. quibus cognitionem horum accepit, dicens : Hoc ideo dico : enim, id est, quia impossibile est nos scire mysteria, id est, occulta supercaelestium animorum, id est, intellectuum, scilicet Angelorum, et perfectiones eorum sanctissimas, quibus scilicet in divinis perficiuntur, nisi quis, id est, aliquis dixerit ibi, id est, in hac materia illa mysteria quaecumque divinitas nos docuit per eos, scilicet Angelos, quibus mediantibus veniunt illuminationes divinae in nos tamquam per scientes bene propria, id est, proprias dispositiones prout in. se considerantur : et in hoc tangitur idoneitas eorum ad docendum.