DIVISIO ET EXPOSITIO TEXTUS.

Juxta hanc, etc.

Hic adaptat exempla ad illuminationes

angelicas, et facit duo. Primo adaptat exempla ad oppositum. Secundo concludit intentum, ibi, Non ergo prima.Littera sic legatur : Ex quo ita est in luce et calore, juxta hanc rationem ordinationis naturalis, id est, naturalium rerum, id est, ad similitudinem ejus ipsa supernaturalis, id est, divina ordinatio omnis boni ornatus, id est, perfectionis essentialiter qua decorantur res in se et ordinantur ad finem, scilicet visibilis, ut in corporalibus, et invisibilis, ut in spiritualibus, manifestat claritatem congruae dilucidationis, idest, qua proportionaliter unaquaeque illuminatur, primo apparentem in essentiis excelsissimis, id, est, supremis effusionibus copiosissimis, et per eas, scilicet primas, participant divinum radium essentiae inferiores quae post primas sunt. Etenim, id est, quia h ae excelsissimae primae inter omnes cognoscentes Deum, id est, prima cognitione quam recipiunt non ad sufficientiam, sed ad copiam ut in alios effluere possent quantum ad similitudinem doni, et desiderantes supereminenter aliis divinam virtutem, id est, assimilari sibi, quan-

tum ad consortium potestatis, et desiderantes fieri praeoperairices, id est, primo operantes, constituendo per suam operationem alias in virtute operandi sub ipsis quantum ad similitudinem effectus. Istae dico sunt effectae dignae virtute simili Deo ei actione simili quantum possibile est eis, et extendunt ipsae essentias quae sunt post se ad similem virtutem, scilicet divinam, et hoc faciunt ut virtus quae est deiformiter, id est, Deo similis. Ipsae dico tradentes ipsis, scilicet inferioribus copiose ex claritate divina superveniente in eas, scilicet primas, et illae iterum, scilicet inferiores tradunt subjectis, id est, inferioribus se, et sic per singulas ipsa prima tradit ei quae est post eam, a qua scilicet prima nonne illuminatio pervenit et, id est, etiam in omnes proportionaliter ? quae sunt plura. Quasi dicat: Sic. Ergo, patet ex dictis, Deus causalis ei ipsius esse rerum et causa videre ipsius cognoscentium. Causalis dico natura, ut primum agens per suam essentiam, et vere, in quantum est tantum causa et nullo modo causatum, et proprie, in quantum non illuminat actu lucis extraneo a natura sua, ut, id est, tamquam essentia luminis. Ergo hoc quidem, id est, certe principium est illuminandi cunctis illuminatis simul acceptis. Tum etiam hoc principium permanens superpositum unicuique, quod est immediate post se deiformiter, id est, Deo similiter, in quantum alia fiunt deiformia per hoc quod primis subduntur. Sic dico permanens per se, id est, immediate transvehendo divina lumina in illud, scilicet quod est post ipsum. Ergo essentiae omnium reliquarum dispositionum vel ordinum simul acceptaemirantur excellentissimam dispositionem, id est, hierarchiam primam caelestium animorum, id est, Angelorum. Mirantur dico secundum quod consequens est principium, id est, prout competit ei, quod post Deum, est principium omnis sacrae et divinae scientiae et divinae imitationis. Est dico principium tamquam illuminatione perillas scilicet primas distributa, id est, proportionaliter delata in omnes inferiores et in nos etiam. Propter quod inferiores referunt quidem omnem sacram operationem ei similem Deo, per quam scilicet et ipsi sunt similes Deo, et alios assimilant. Referunt dico in Deum quasi in causalem, id est,in primam causam : deinde referunt in primos intellectus deiformes, id est, supremos tamquam in primos operatores divinorum operum post Deum et primos magistros, in quantum illuminant alios et perficiunt.

Ergo non, id est, nonne prima dispositio, id est, hierarchia sanctorum Angelorum habet igneam proprietatem, quantum ad Seraphin, magis omnibus aliis simul acceptis, et similiter nonne magis habet traditionem divinae sapientiae effusam a Deo, et etiam mysticam, id est, occultam, excelsissimae scientiae divinarum illuminationum quantum ad Cherubin, et similiter nonne magis habet proprietatem sessivam, id est, sedis, gestantem, id est, portantem sedentem ? Proprietatem dico significantem divinam susceptionem, quantum ad Thronos. Quasi dicat : Sic. Vero, id est, sed nonne ipsae dispositiones, id est hierarchiae suppositarum, id est, inferiorum essentiarum participant virtutem Seraphin igneam, et virtutem Cherubin sapientem et scientem, quantum ad modum et ad scita, et Thronorum virtutem susceptoriam Dei ? Participant dico infra, id est, inferiori modo, et adspicientes ad primas ut ad induentes, et reductae inpossibile deiformitatis, id est, in Dei similitudinem, secundum quod eis est possibile per eas, id est, per primas ut per factas digne, id est, digno et congruo modo se eis habentes in imitatione divina praeoperativae, id est, in quantum ipsae prius inferioribus operantur, sicut Deus prius omnibus. Quasi dicat : Sic. Usque huc enim pendet interrogatio. Ergo essentiae quae fiunt subsistentes post

eas, scilicet primas, reponunt sicut in causa dictas sanctas proprietates trium ordinum quarum participatio est in inferioribus per primas. Reponunt dico post Deum ipsis illis, scilicet primis tamquam hierarchiis, id est, principatibus totius illuminationis : et ideo quod exercet inferior, potest attribui superiori virtute cujus agit.