DIVISIO ET EXPOSITIO TEXTUS.

Docuit ergo eum, etc.

Hic ostendit quid consequenter ex visione Propheta didicit, concludens ea quae dicta sunt.

Et dividitur in partes tres. In prima dicit, quod omnes operationes inferiorum et superiorum reducuntur in divinam operationem. In secunda, quod oporationes inferiorum reponunt in superioribus, ibi (sig. 9, A), Lucet autem per singula. In tertia concludit congruentiam solutionis, ibi(sig. 9, A sub finem), Nihil ergo inordinatum.

Littera sic legatur : Ergo ut primum dictum est, Angelus formans visionem, docuit eum, scilicet Prophetam, et, id est, etiam hoc quia, id est, quod purgatio in quantumcumque purgatis, sive primis, sive infimis, est participatio ipsa divinae claritatis incognitae, propter su infinitatem non pecfecte notae, qua liberantur a dissimilitudinis confusione, et hoc quantum possibile est unicuique, cum non perfecte participetur. Autem, id est, sed haec, scilicet claritas divina, ex causis ipsius divinitatis remotis a rebus per excessum, id est, ex ipso Deo causante procedens, qua, scilicet claritate divina,perficit omnes sacros intellectus superessentiali occultatione, quo modo, id est, aliquo modo est manifestior, non

simpliciter, sed comparatione inferiorum, altissimis virtutibus, scilicet primis ordinibus existentibus circa se immediate, et magis in eis manifestat seipsam, ad modum luminis corporalis, cujus est manifestare seipsum., et etiam eis magis se distribuit. Deinde ipsa claritate sic conducit manifestam suam illuminationem, id est, manifesta causa aliqualiter ex secundis, quantum ad mediam hierarchiam, aut novissimis, quantum ad ultimam, aut nostris, quantum ad humanam intellectualibus virtutibus ad laudandum ignotum principium, scilicet Deum, propriae occultationis, id est, a qua procedit occulta claritas. Sic dico quantum ab ipsa, scilicet claritate unaquaeque virtus existit secundum deiforme, id est, secundum participationem divinae similitudinis proportionaliter sibi. Quasi dicat : Adducuntur inferiora per claritatem divinam et jucundam participationem primi principii, et haec jucunditas per laudem intelligitur : unde alia translatio habet " jucundum, " id est, lene, ignotum.