EXPOSITIO TEXTUS.

A. Aliquando vero, etc.

Hic ostendit, quod significatur Deus ex mediis corporibus, scilicet igne et aqua, quae recedunt a novissimis participando proprietates caeli, scilicet lucem, quantum ad ignem, et diaphanum quantum ad aquam. Dicitur enim in secundo de Anima, quod participant istas proprietates secundum quod est eis quaedam natura communis cum superiori corpore : sed ignis magis accedit ad naturam ejus : et ideo habet lumen in actu : est enim species et actus aliorum.

Dicit ergo : Non solum ex praedictis laudant eum : vero, id est, sed aliquando ex mediis, ut dicentes eum ignem splendentem innocue. Ad Hebr. XII, 29 : Deus noster ignis consumens est. Et laudant aliquando eum ut aquam datricem vitalis plenitudinis, id est, plenarie influentem vitam. Alludit ei quod dicitur Jeremiae, II, 13 : Me dereliquerunt fontem aquae vivae, id est, vitam dantis. Jit laudant ipsum symbolice dicendum subeuntem in ventrem, id est, qui symbolice dicitur subire in ventrem, id est, in affectum per amorem, ut spiritualis refectio, quam, id est, et redundantem, id est, diffundentem flumina, id est, gratiarum dona, refluentia, id est, prod-

euntia in suos actus immensurabiliter

Joan. VII, 38 : Qui credit in me,.... flumina de ventre ejus fluent aquae vivae.