DUBIUM .

Sed hic est dubium.

1. Quid Intellexit per phantasias mateteriales : si enim intellexit hoc referri ad

naturam Intellectus eorum qui non accipit a phantasmate sicut noster, tunc superflue poni intelliguntur ea quae sequuntur naturam.

2. Praeterea, Hoc non videtur naturale eis, cum in daemonibus In quibus naturalia salvantur, sicut dicitur in libro de Divinis Nominibus, malum " sit furor ir" rationabilis , amens concupiscentia, " phantasia proterva. "

Solutio. Potest dici, quod hoc ideo dicit, quia intellectus eorum accipit simplices quidditates rerum, non accipiendo cum continuo et tempore a phantasmatibus : et ad majorem evidentiam explicat quod In eorum natura intelligitur. Vel potest dici, quod per recessum a prima luce qua dirigitur in cognitionem uniuscujusque intellectus creatus obtenebratur, et in componendo cum alio incidit in eum falsitas, quae est semper circa compositionem, secundum Philosophum : et in hoc habet proprietatem phantasiae, cujus est decipi per falsas compositiones, sicut dicitur in quarto philosophiae primae, quod " falsitas non est propria sensui, sed " phantasiae : " et etiam per proprietatem materiae quae semper admiscetur privationi in defectu luminis, et ab hac proprietate dicitur intellectus daemonum phantasia : et posset dici materialis, non quod haec sint in ipso per essentiam, et hujusmodi obtenebratio removetur ab Angelis in hoc quod dicitur, non receptivas materialium phantasiarum. Et per hoc patet solutio ad objecta.