DUBIA.

Hic sunt duo dubia. Primo, de ordine quo enumerat istos tres ordines. Secundo, de hoc quod dicit aeque ordinatam.

Circa primum proceditur sic.

1.Inter hos enim tres ordines ultimus est Thronorum, quem ipse primo enumerat: ergo male.

2. Praeterea, Visus primo dirigiturin aliquid amandum, vel in se recipiendum : cum igitur Cherubin dicatur a dono quo videtur Deus, scilicet scientia, unde et oculosus nominatur, debuit primo nominari.

3. Praeterea, Seraphin dignior est inter alios : si igitur penes dignitatem ordinare voluit, eum primo debuit numerare.

Solutio. Dicimus, quod enumerat istos tres ordines secundum progressum eorum. In quolibet autem toto potentiali est progressus ab. eo quod est minoris virtutis: et ideo.hunc ordinem.servat in numerando : quia accipere cognitionem per.ea quae magis vicina nobis sunt,.est. nobis connatum : sed accepta cognitione eorum, ordinabit eos secundum dignitatem eorum. Et per hoc patet solutio ad objecta.

Circa secundum sic proceditur.. .1. Videtur enim, quod isti tres ordines. non sint aeque ordinati : hierarchia enim non compatitur secum aequalitatem, sed unum sub alio requirit in quod exerceat operationes hierarchias : cum igitur isti tres ordines sint in una hierarchia, non videntur esse aeque ordinati.

2. Praeterea, Ubi est aequa ordinatio, non salvatur diversa proportio, neque secundum quantitatem, neque secundum speciem : his tamen distinguuntur ordines :aeque ordinati.

3. Praeterea, Hoc esset contra naturam totius potestativi, ubi una pars est majoris virtutis quam altera : ejus autem natura salvatur in ordinibus et hierarchia : ergo non sunt aeque ordinati.

. Solutio, Dicimus, quod non intelligit eos aeque ordinari simpliciter, scilicet secundum eamdem quantitatem capacitatis, et secundum eamdem speciem proportionis, sed secundum quid, scilicet secundum, aequalitatem eorum quae sunt in. hierarchia una habentium unam rationem capacitatis respectu divini luminis. Et per hoc patet solutio ad objecta.