EXPOSITIO TEXTUS.

B. Magis autem proxime, etc.

Hic confirmat solutionem positam per exemplum in nostra hierarchia : quia sicut Pontifex dicitur purgare auctoritate, purgante subdito sacerdote per ministerium, ita et Seraphin dictus est purgare, purgante inferiore Angelo.

Littera sic legatur : Magis autem manifesta erit praedicta solutio per id quod dicetur : utemur enim ad hoc probandum exemplo proximo, et nobis et rei manifestandae, hoc scilicet, quod sicut is qui est summus sacerdos, id est, Pontifex, secundum nos, id est, in nostra hierarchia, purgans aut illuminans plebem per suos ministros, id est, diaconos, aut sacerdotes inferiores, ipse dicitur purgare et illuminare, ordinibus inferioribus scilicet purgatis per ipsum, per se, id est, sine medio. His dico reponentibus proprias,id est, quas suo ministerio exsequuntur operationes sacras in ipsum, scilicet summum sacerdotem : sic, id est, similiter Angelus ipse, scilicet inferior, et, id est, etiam perficiens suo ministerio purgationem Theologi, scilicet Isaiae, reponit propriam scientiam purgativam, et virtutem propriam, id est, suo ministerio purgantem, vel proportione

recepti, ut scientia referatur ad. illuminationem, virtus ad potestatem. Reponit quidem, in Deum veluti causalem, id est, primam causam luminis, deinde post Deum reponit in ipsum Seraphin tamquam, id est, sicut apud nos reponitur omnis sacra actio in summum sacerdotem primo agentem, in quantum omnes agunt recipiendo ab ipso : veluti quis, id est, aliquis fortassis dixerit, id est, dicere posset edocens purgatum cum angelica reverentia , id est, repraesentans verbis quomodo Angelus . qui purgat hominem, ex reverentia totum in superiorem referat. Dixerit dico, sic loquens purgato in persona inferioris Angeli, hoc scilicet quia ante me, ut a quo ego recipio,est quidem quoddam exelsum principium purgationis perficiendae in te, et est ante me essentia quaedam divina, et creator est etiam ante me, et causalis, id est, prima causa, que, id est, et adducens primas essentias ad esse, scilicet primae hierarchiae, et continens eas collocatione circa se, ei observans eas inconversibiles, id est, ab ipso averti non possibiles, et casu carentes per peccatum : et hoc per confirmationem. Et principium dico movens seipsum per dona quae influit, ut in principio expositum est, in primas participationes quae sunt primarum essentiarum,operationum sacrarum, providarum, id est, provisarum eis, propriarum, id est proportionalium sibi. Enim, id est, quia docens me haec praedicta, ait missionem ipsius Seraphin manifestare hoc quod dictum est de hoc quod praeexistit principium quod est Deus. Ita dico dixerat, quod ante me est creator. Autem, id est, sed ipse ornatus, id est, ornata dispositio praestantium, id est, primarum essentiarum est quasi summus sacerdos apud nos et dux inferiorum post Deum, qui est primus dux, a quo, scilicet ornatu ego inferior sum eruditus purgare te deiformiter, id est, secundum similitudinem divinae potestatis. Igitur ipse, scilicet ornatus primus est pugans te per me sicut per ministrum, per quem, scilicet primum ornatum ipsa causa et opifex totius purgationis, scilicet Deus, produxit, et, id est, etiam in nos actiones, id est, acta, providas, id est, provisas ab ipso, proprias, id est, proportionales nobis. Produxit dico ex occulto suae divinitatis, quidem, id est, certe ille pater docuit me hoc, id est dictam solutionem. Autem, id est, sed ego trado tibi hoc idem, non imponens tibi necessitatem ad concedendum. Autem, id est, sed concesserim tuae scientiae inllectuali, quantum ad principia quorum est intellectus, et discretivae quoad conclusiones, quarum est ratiocinatio. Concesserim dico aut absolvia praemissa dubitatione per alteram partem duarum causarum, id est, solutionum causas dicentium dictarum a nobis, et eamdem,

scilicet causam per quam dubitatio solvitur, honorare, id est, praeferre alteri : aut, si neutra placet, concesserim tibi alteram, scilicet causam, tamquam habentem consequens, id est, conveniens aliquod quaestioni, et rationabile in se et aeque verum praedictis duabus. Ita quod ego concesserim aut te invenire a teipso, id quod est vicinius verae solutioni : aut discere te ab altero hoc,videlicet Deo primo dante et Angelis prius recipientibus a Deo respectu nostri, et deinde amicis Angelorum, id est, sanctis viris recipientibus revelare, id est, potentiam revelandi nobis per contemplationem ejus, scilicet Dei magis amabilem sibi propter majorem puritatem, vel in Angelis, vel in amicis eorum.