DUBIA.

Hic autem tria ante Litteram quaeruntur.

Primo, Utrum sit aliquis ordo specialis Angelorum?

Secundo, Quis actus ejus ?

Tertio, Quare non ponat plures proprietates Angelorum?

Circa primum sic proceditur.

1. Ab eo enim quod est commune toti

naturae, non sumitur aliquid speciale in illa natura : sed esse Angelum convenit toti naturae superiori,sicut in capite quinto dictum est: ergo non erit aliquis specialis ordo.

2. Ad idem, Sicut dicitur II Sententiarum, " secundum gradum naturae in " Angelis est gradus donorum : " sed Angeli nomen non dicit gradum specialis naturae, cum conveniat toti naturae : ergo non dicet etiam speciale donum a quo sumatur specialis ordo.

3. Ad idem, Recipere et nuntiare occulta et manifesta in operatione ad nos non est diversum in specie : sed secundum hoc sumitur differre in Littera Angelus a superioribus qui recipiunt manifesta quoad nos : ergo non est specialis ordo.

4. Ad idem,Sicut est situs in corporalibus, ita est ordo in spiritualibus : sed in corporalibus ultimus gradus aequatur superficiei, et non facit altitudinem aliquam : cum ergo Angeli sint in ultimo gradu, non videtur quod faciant aliquem singularem ordinem.

Solutio. Dicimus, quod Angelorum est unus specialis ordo.

Ad primum dicendum, quod cognominatae angelica dicta est supra esse communis toti superiori naturae, secundam quod est acceptas illuminationes aliis effundere quicumque sub ipso sunt : Angelis autem hoc competit secundum specialem modum, prout acceptas illuminationes proportionaliter nobis in nos transfundunt illuminantes de his quae ad unumquemque pertinent. Et per hoc patet solutio ad secundum.

Ad tertium dicendum, quod sicut saepe dictum est, accipere illuminationes occultas et manifestas quoad nos est ex diversa proportione recipientium propter diversitatem naturae et doni quo completur natura : quidam enim recipiunt in majori limpiditate et fulgore et prop quius primo, secundum quod sunt nobis minus manifesta in se.

Ad quartum dicendum, quod ultimum in quo est status spiritualium illuminationum, sunt subditi in Ecclesiastica hierarchia, et non Angeli : cum ipsi sint superiores summis nostrae hierachiae : et ideo ordinem dignitatis constituunt.

Circa secundum sic proceditur.

1. Videtur enim, quod actus Angelorum sit illuminare Ecclesiasticam hierarchiam, per hoc quod dicitur in Littera.

2.Praeterea, Gregorius dicit, quod " illi " dicuntur Angeli qui minima nun-" tiant: " haec autem sunt quaecumque revelantur ad ipsos singulariter pertinentia : ergo haec revelare videtur esse proprium Angelorum. Hoc idem videtur per Gregorium qui secundum hoc assignat actum Angelorum in hominibus esse : " Sunt, inquit, plerique qui parva " capiunt, sed tamen haec eadem parva " pie annuntiare fratribus non desi-" stunt. " Quo ergo isti nisi inter Angelorum numerum currunt? Sed contra, Isa. VI, 6 ct 7, legitur, quod Seraphin missus est ad purgationem ipsius Isaiae. Item, Ezechiel instructus est per Cherubin, ut legitur Ezech. x : ergo non est proprium hujus ordinis illuminare singulos Ecclesiasticae hierarchiae.

3. Praeterea, Habere usum exterioris officii convenit Virtutibus et Potestatibus, et maxime toti ultimae hierarchiae : ergo non videtur esse proprium hujus ordinis.

4. Item, Videtur quod custodia hominum sit proprius actus per hoc quod dicit Bernardus in V de Consideratione :''" Pu-" ternus, inquit, Angelos dici eos qui " singuli singulis hominibus dati cre-

" duntur, missi in ministerium, secun-

" dum Pauli doctrinam , propter eos " qui haereditatem capiunt salutis, de " quibus Salvator ait, Matth. xviii, 10 : " Angeli eorum in caelis semper vident, " etc. " Sed contra : Omnes ordines accipiuntur penes accipere et effundere illuminationes : custodia autem non est illuminatio : ergo penes hoc non sumitur actus illius ordinis.

5. Praeterea,Ejus est custodire cujus est conservare et condere : hoc autem solius Dei est : ergo custodire non est actus angelicus.

G. Praeterea, In Psal. cxx, 4, dicitur : Ecce non dormitabit, neque dormiet, qui custodit Israel, Ergo videtur esse solius Dei.

7.Item, Videtur quod exercere divina judicia sit actus eorum : sic enim dicit Bernardus super Cantica :: " Angelica (( creatura irrepercussa mentis acie invi tuetur divinorum judiciorum abyssum " multam, quorum summae aequitatis " ineffabili delectatione beata, gloriatur " insuper effectui ea mancipari per suum " ministerium, ac palam fieri. "

8. Item,Infra dicit : " Diligitur Deus ab " Angelis ad judiciorum suorum sum " raam aequitatem, ab Archangelis ob " consiliorum summam moderationem. " Sed contra : Hoc supra assignatum est a Gregorio Thronis.

9. Praeterea, Videturesse Dominationum vel Potestatum, ad quos pertinet potestas juridictionis.

Solutio. Dicendum, quod actus proprius Angelorum est nuntiare hominibus ea quae pertinent ad singulorum salutem, accipientes illuminationes proportionatas capacitati nostrae.

Ad id vero quod secundo in contrarium objicitur, dicendum quod ille qui purgavit Isaiam, secundum Dionysium non fuit de ordine Seraphin, sed dictus est

Seraphin, quia virtute illuminationis ad donum Seraphin pertinente Prophetam illuminavit. Hoc autem quod dicitur de Ezechiele, patet per ea quae dicta sunt in praecedenti capitulo, quod non illuminavit immediate, sed. per eum qui podera indutus erat.

Ad aliud dicendum, quod Virtutes et Potestates habent exterius ministerium, non tamen limitatum circa officia humana : Principatus vero et Potestates et Archangeli ea quae pertinent ad statum communem : et ideo relinquitur proprium huic illuminare de his quae ad statum uniuscujusque pertinent.

Ad aliud dicendum, quod custodire per modum naturae conservantis a nocivis, est virtutis vel doni ut formae, quae agit in modum naturae, ut dicit Tullius, Dei vero ut efficientis : et custodire persuadendo discedere a nocivis est Angelorum, et hoc fit per illuminationes, sicut magister custodit puerum. Et per hoc patet solutio ad ea quae contra objiciuntur.

Ad aliud dicendum, quod divina judicia non pertinent ad Angelos sicut in quibus Deus residens ea dispenset, hoc enim est Thronorum : vel ut ad habentes jurisdictionem, quia hoc est Dominationum et Principatuum et Potestatum : sed admonendo de judiciis divinis et exsequendo ea auctoritate aliorum.

Circa tertium sic proceditur. Videtur enim, quod hujus ordinis debuerat ponere plures proprietates : quanto enim aliquid compositius est, tanta plura accidentia habet, cum fluant accidentia ab essentialibus : sed quanto aliquid magis recedit a primo, tanto compositius est : cum igitur Angeli inter caelestes essentias maxime distant, videtur quod plures proprietates eis attribuere debuit.

Solutio. Dicimus, quod sicut in capite sexto diximus,ultimus ordo nihil ad dignitatem pertinens addit super id quod est commune omnibus, sed hoc efficitur sibi proprium, prout est inferiori modo participatum : et ideo non posuit Angelorum nisi proprietatem unam, quae convenit eis secundum ordinem in hierarchia, prout ultimi sunt in ea.

Ad id vero quod objicitur, dicendum, quod hic non ponuntur proprietates eorum naturae, quas concedimus esse plures, sed tantum illae quae consequuntur quemlibet ordinem secandum suum donum.