EXPOSITIO TEXTUS.

B. Alarum vero expansa, etc.

Littera sic legatur : Hoc quidem edoctus est ex eorum nomine. Vero, id est, sed edoctus est expansa formatione, id est, significatione alarum extensionem, id est, elevationem eorum absolutam et altissimam, quantum ad universalitatem et altitudinem objecti, in divinum, idest, in Deum in primis et mediis et ultimis intellectibus secundum illuminationes trium hierarchiarum. Sed et, id est, etiam alius Theologus, scilicet Ezechiel, intellectualis, quantum ad visionem intellectualem, videns multificum et multiforme eorum, id est, multiped es et multorum vultuum : sic enim habet alia translatio. Dicitur enim Ezechielis, I, 6 : Quatuor facies uni. Et videns eos alis distingui, reductus est per haec visibilia ad invisibilem scientiam, visu corporali, eorum quae visa sunt ab ipso Propheta, scilicet ad eam visionem subtus pedes, id est, quae per alas pedum designatur, ei ad eam quae subtus facies, id est, in capite, et ad eum super motum, id est, eminentem : vel super motum, id est, maximum in mediis alis : vel distingui alis eam visionem, etc, id est, distinctione alarum horum trium distinctionem designari. Reductus est dico manifestata ei,

scilicet Prophetae, virtute altissimorum intellectuum, scilicet Seraphin et Cherubin multivia, quantum ad multitudinem pedum, secundum quod multis modis operatur in inferiora, et multivida, quantum ad multitudinem vultuum, secundum multos fulgores a superiori receptos, et manifestata ei sacra formidine eorum, scilicet superiorum, quam habent supermundane, id est, supra mundum nostrum, quia secundum reverentiam tantum. Formidine dico in scrutationem alliorum, id est, divinorum per eminentiam, et eorumdem inferiorum, id est, profundorum, secundum quod usque ad finem scrutabilia sunt. Scrutationem dico superbam, id est, quae esset eis superba, quia appeterent excellentiam non debitam eis, et audacem, secundum, quod non compararetur ad vires suas, ei impossibilem, secunudm quod eorum vires deficiunt ab illa : et haec formido designatur per hoc quod dicitur, quod cum fieret vox de firmamento, submittebant alas suas, quasi non praesumentes se extollere in altitudinem divinae contemplationis, secundum dum suum, quod esset eis superbum.