EXPOSITIO TEXTUS.

Littera sic legatur : Que, id est, et iterum aestimandum est eas, scilicet primas essentias contemplativas symbolorum, id est, signorum sensibilium quibus nobis manifestantur, cum non ignorent nobis sic manifestari, aut speculativas intellectualium rerum aestimandum est eas esse, neque, id est, et non ut reductas in divinum, id est, in divinitatem varietate theo-

riae, id est, considerationis scribentis sacre, id est, de sacris, id est, non reducuntur in Deum per symbola varia quibus Scriptura sacra describit divina, ut propter hoc contemplentur symbola : sed aestimandum est eas contemplativas symbolorum intellectualium, ut repletus omnis, id est, totius vel perfectae scientiae immaterialis per separationem a conditionibus materiae cognoscendo simplices quidditates rerum : et hoc altiori lumine, id est, per lumen divinum, quod est altius lumine Scripturae, quia non obumbratum symbolis, et ut refertas, id est, plenas, quantum fas, id est, secundum quod possibile est eis, contemplatione divinae pulchritudinis formificae, id est, quae figuras facit quibus innotescat, vel quae facit formas in intellectu angelico, et pulchritudinis principalis, id est, ipsius divinae essentiae immediate in suo fonte, et superessentialis, id est, quae est super omnem essentiam creatam, et lucentis ier, propter trinitatem personarum, vel propter triplex lumen, videlicet obumbratum, ut est in hominibus, et ut est in ipso fonte luminis, et ut est medio modo in Angelis.

Autem, id est, sed, similiter aestimandum est primas essentias esse factas digne, id est, digno modo, id est, dignas communicatione Jesu in recipiendo illuminationes ab ipso, ita quod non figurant similitudinem deificam ipsius formative, id est, symbolice imaginibus sacre fictis, id est, ad sacrorum repraesentationem, id est, non accipiunt speciem ejus quae Dei participes facit symbolis, sed accipiunt ut vere approximantes ipsi, scilicet Jesu, in prima participatione scientiae, id est, quae est immediate a Deo, licet inferiori capacitate, ei lumen ejus, scilicet Jesu, deificum, quia divinos participatione facit, et quia est Deo simile, secundum humanitatem etiam in majori fulgore recipiat divinum lumen supra omnes creaturas. Hoc dico, donatum est ipsis, scilicet primis essentiis substantialiter immediate ab ejus substan- tia, et etiam hujusmodi, scilicet primae essentiae communicant virtutibus ejus, scilicet Jesu, deificis et humanis, id est, secundum utramque naturam, in praeo-

peratrice virtute, id est, in ipso Deo qui est primum operans et proprium cujuslibet, ut possibile est eis.

10