EXPOSITIO TEXTUS.

B. Dicimus autem, quia, etc.

Littera sic legatur: Diximus, quod non est ita solvendum. Autem, id est, sed nos solvendo dicimus, quia, id est, si nos communiter utentes nominatione caelestium virtutum in omnibus ordinibus dicentes eos caelestes Virtutes, non introducimus, et per hoc confusionem quamdam, id est permixtionem proprietatum uniuscujusque dispositionis, id est, ordinis : quia virtus non dicitur de omnibus prout dicitur a dono proprio unius ordinis. Sed quoniam omnes divini intellectus, id est, Angeli, secundum se, id est,secundum ea. quae ad eorum perfectionem requiruntur prout sunt intellectus, supermundana ratione, quia ad hoc humana ratio non sufficit nisi divino lumine per fidem adjuvetur, dividuntur in haec tria, scilicet essentiam, virtutem, et operationem. Quoniam, inquam , ita est, cum, id est, quando nos omnes superiores spiritus simul accep-

tos, aut quosdam eorum inobservate, id est, non observando an sint supra ordinem specialem Virtutum, vel infra, vocamus caelestes virtutes, aut caelestes essentias, aestimandum est non significare, id est denominare eos de quibus est, sermo, id est, quosdam caelestes essentias aut virtutes, eae ea essentia, vel virtute quae est per singulos eorum, id est quae consequitur naturam eorum in communi, et hoc AdminBookmark id est, circumlocutione : quia per communia denominamus aliquas specialiter. Enim quia neque, id est, non etiam est facile, id est, conveniens superpositam, id est, ab excellentiori dono specialis ordinis sumptam proprietatem sanctarum virtutum jam discreturum, id est, distinctarum a nobis in speciali ordine annectere, id est, attribuere omnino minoribus essentiis, id est, inferiorum ordinum, et hoc in conversione ordinationis, id est, convertendo ordinationem, qua ea quae sunt superiorum, in inferioribus. Ordinationis dico incon- fusae, idest, non confusae, sed distinctae angelicorum ornatuum, id est, ordinum ornatorum donis. Enim,id est, quia quidem ipsae superfirmatae, id est, superiores dispositiones habent abundanter, id est, eminenter, et, id est, etiam sacras proprietates minorum, id est, inferiorum, et hoc juxta, id est secundum rationem a nobis saepe redditam in praedictis : vero, id est, sed ultimae, id est, inferiores, non habent superpositas, id est, eminenter participatas universitates, id est, universales illuminationes et virtutes majorum, id est, superiorum. Non habent dico illuminationibus apparentibus in eas, scilicet ultimas, particulariter primo : quia in superioribus sunt universaliter, ut etiam dicitur in libro de Causis, quod intelligentiae primae continent formas magis universales, Illuminationibus dico distributis eis scilicet inferioribus per primas proportionaliter sibi : et hoc totum ponitur ad exponendum quod dixit conversione.