BALTH. CORDERII S. J. INTERPRETATIO.

Virgas vero designare regiam et du-

calem dignitatem, rectamque rerum divinarum ordinationem.

Hastas et secures, vim dissimilia dividendi, virtutumque discernere valentium acumen et activitatem, atque efficacitalem.

Geometrica fabriliaque vasa, fundandi et aedificandi absolvendique facultatem, et quaecumque alia inferiores adducendi et convertendi providentiam concernunt.

Accidit quoque nonnumquam,ut instrumenta quae sanctis angelis affiguntur, divinorum erga nos judiciorum symbola existant, dum alia quidem tem disciplinam, aut punientem justitiam. Aliis vero ab angustia libertatem, aut disciplinae finem, aut prioris beneficentiae resumptionem, aut appositionem aliorum donorum parvorum, aut magnorum sensibilium, aut invisibilium. Et omnino forsitan non dubitaret perspicax animus pulchre invisibilibus adunare visibilia.

Ipsos etiam ventos nominari ,eorum velocitatem significat, et in omnes fere absque mora pervenientem effectum, et desursum in ea quae sunt deorsum, ad sursumque transuectivum motum, erigentem quidem ad superiorem celsitudinem, moventemque prima ad communicativam et providam minorum processionem.