DIVISIO ET EXPOSITIO TEXTUS.

Aut non et sacram legislationem, etc.

Posita solutione, hic confirmat eam ostendens, quod illuminationes tantum descendunt ad. nos per ministerium Angelorum. Et dividitur in tres partes\, secundum quod per tria probat. Secunda ibi (sig. 7), Video autem quia et divinum. Tertia, ibi (sig. 7 sub finem), Aut quia et ipse Jesus.

Prima ergo probatio sumitur ex veteris legis latione, hoc modo. Magis videtur, quod legislatio quae describitur ut in persona Dei facta a Scriptura, pervenerit ad nos immediate a Deo sine ministerio Angelorum, quam aliae illuminationes. Cum igitur illa fuerit tradita ministerio Angelorum, ut alibi Scriptura testatur, multo magis hoc erit verum in aliis illuminationibus.

Littera sic legatur : Diximus, quod divinas illuminationes sancti patres nostri perfecerunt per medias caelestes virtutes, An non, vel aut non, id est, nonne, interrogative, non propter dubitationem, sed ut ex dictis ab adversario habeat firmius propositum, traditio eloquiorum, id est, sacra Scriptura nobis tradita, et, id est, etiam dicit lationem legis veteris sacram, quia de sacris et a sacris et sanctos facit, esse donatam Moysi velut per se, id est, in persona sua : Exod. XIX, 21, ubi dicitur descendisse Dominus super montem. Et ibid. xx, 2, ubi dicit : Ego sum Dominus Deus tuus, qui eduxi te, etc. Sic dico dicit, ut etiam doceat nos eam, scilicet legem esse divinos, id est, a Deo datos, et sacros characteres, id est, litteras vel scripturam. Character enim dicitur figura. Vel characteres, id est, figuras novae legis, secundum Commentatorem. Quasi diceret, sic : et in hoc excludit objectionem, ponens rationem sic additi, non solum dicit hoc, autem, id est, sed Theologiai et, id est, etiam docet hoc sapienter, eam scilicet legem provenire ad nos per Angelos, ut ministros, tamquam, notat causam, divino ordine, id est, ordinatione legali, id est, ligante sub legibus omnia, ponente, id est, disponente ipso legaliter, id est, ligando firmiter ad hoc. Ponente dico illud, hoc est, secunda reduci in divinum, scilicet lumen, per prima : et in hoc ponitur ratio doctrinae talis, ut auctoritati ratio conjungatur ad probationem. Et hoc patet a minori : enim, id est, quia ipsa lex scilicet reducendi in divinum per aliud non solum sententialiter, diffinitur ex, id est, a principio superessentiali ordinationis omnium rerum, in animis, id est, in spiritibus superpositis et subjectis ad invicem secundum diversas hierarchias, ut angelicam et humanam, vel diversas angelicas : sed et, id est, etiam diffinitur in aeque potentibus animis. Haec est expositio dicti, id est, haec est lex diffinita in aeque potentibus, esse per unamquanque hierarchiam primas ei medias et ultimas ordinationes, id est, ordines. Unaquaeque enim hierarchia distinguitur tribus ordinibus. Et virtutes. Non sumitur prout est nomen specialis ordinis, sed secundum quod omnes dicuntur virtutes, propter sublimitatem potentiae in agendo. Et iterum haec est illa lex, diviniores, id est, magis perfectos in divinis inter tres gradus unius hierarchiae esse doctores minorum, id est, inferiorum, quantum ad re- Velationes, et manuductor es, quantum ad reductionem. Et hoc dico in divinam ad-

ductionem, id est, in Deum quantum ad purgationem, a qua incipit adductio, et illuminationem et communicationem, quantum ad perfectionem per quam communicantur divina.