DUBIUM.

Sed hic est dubium de hoc quod in littera dicitur.

1. Quod enim pluribus modis perficitur, magis est perfectum : prima autem hierarchia tantum uno modo perficitur, sed immediate a Deo, et media per primam, erit secundum hoc media perfectior prima, quod est inconveniens. Nec potest dici, ut videtur, quod modus ille unus sit potior istis duobus, cum ille unus est alter istorum duorum.

2. Praeterea, Sicut dicitur in libro de Motu cordis, " Anima est substantia ili" tellectualis illuminationum quae sunt a " primo, secunda relatione receptiva : " ergo non videtur secundo recipere esse modus perfectionis angelicae, sed humanae.

3. Item, Non videtur quod prima possit illuminare mediam : sicut enim dicit Philosophus in libro de Somno et Vigilia, c( Substantia spiritualis quando est " in actu unius potentiae, abstrahitur ab c( actu alterius : et hoc quia potentiae ra-" dicantur in eadem essentia : " sed Angeli primae hierarchiae numquam abstra-

huntur a conversione in Deum qua illuminantur ab ipso, sed maxime in hoc actu intenduntur : ergo omnino abstrahuntur ab illuminatione aliorum.

4. Ad idem, Unum indivisibile non potest simul esse circa diversa, cum nihil ejus possit esse extra illud circa quod fit : Angelus vero est substantia indivisibilis : cum igitur semper insistat circa conversionem in Deum, non poterit illuminare circa aliorum illuminationem.

5. Ad idem, Utrumque istorum, scilicet converti in Deum et illuminare alium exigit intellectum esse actu : sed, sicut dicit Philosophus, " Non contingit simul " plura intelligere secundum actum : " ergo prima hierarchia, cum sit semper in uno actu, numquam potest esse in alio.

6. Praeterea, Una potentia non potest simul esse in duplici actu : sed utrumque istorum, scilicet converti in Deum, et illuminare alios, fit secundum unam potentiam, scilicet intellectum : ergo videtur quod utrumque simul facere non possit.

Solutio. Quidam hic dicunt, quod intellectus in patria possit simul esse in duobus actibus, licet hic non possit. Quidam etiam alii dicunt, quod etiam in praesenti vita intellectus noster simul potest duo vel plura intelligere. Sed neutrum videtur esse verum : quia per experientiam videtur contrarium, et rationi etiam repugnat simul plura posse intelligi, in quantum plura, et non secundum quod ordinantur in ordine uno, sicut nec linea una ex parte eadem terminatur ad duo puncta. Dicimus tamen, quod Angeli simul illuminantur a Deo conversi in ipsum, et illuminant alios : sed hoc non est actu proprio, sed virtute divini luminis recepti, sicut etiam luna dum illuminatur a sole, virtute luminis recepti (quod est diffusivae virtutis) illuminat terram, non tamquam propria actione : et sic est etiam de illuminatione spirituali.

Ad primum ergo dicendum, quod ille unus modus quo perficitur hierarchia, praevalet duobus quibus perficitur media : quamuis enim sit unus cum altero illorum ex parte dantis, quod quantum est in se, similiter influit lumen suum utrique, praevalet tamen ex majori capacitate primorum qui possunt divinum lumen in fulgore recipere, qualiter non possunt medii.

Ad secundum dicendum, quod animae est recipere divinum lumen secunda relatione ex parte recepti, accipiendo scilicet ipsum in speculo et aenigmate : et sic omnes Angeli recipiunt prima relatione, id est, sine similitudinibus : recipiunt tamen secunda relatione quantum est ad statum et modum recipientis semper secundi respectu primorum per diversam analogiam recipientium.

Ad tertium dicendum, quod licet quando intenditur in uno actu, abstrahatur ab alio quantum ad propriam virtutem, tamen virtus alicujus sibi additi potest esse ad alterum actum simul ad exercendum.

Ad quartum dicendum, quod non est inconveniens, quod indivisibile sit circa unum, et secundum aliquid sibi additum circa alterum.

Ad quintum dicendum, quod intellectus Angelorum primorum secundum actum qui est operatio eorum convertitur in Deum, sed illuminat alios nihil operans virtute propria circa illa, sed virtute actus quae est sua perfectio, scilicet luminis divini splendentis in ipso : et per hoc patet solutio ad sextum.

5