BALTH. CORDERII, S. J. INTERPRETATIO.

Ut et ipsa singulis hierarchiis decoros ordines statuerit, atque omnem hierarchiam in virtutes primas, et medias atque postremas distributam esse videamus. Quinimo singulas, ut proprie dicam, spirituum, descriptiones iisdem divinis harmoniis discrevit, propter quod ipsos etiam divinissimos seraphim theologi alterum ad alterum clamare aiunt ; qua quidem re, mea sententia, manifeste declarant, primos participes facere secundos divinarum rerum atque notionum.

Hoc quoque non immerito possum addere, quamlibet caelestem et humanam mentem seorsum proprios in se continere et primos, et medios, et ultimos ordines atque facultates, quae eodem modo, quo superiores singularum hierarchiarum illustrationum proprii ductus, eluceant, quibus unaquaeque mens pro suo captu quam nitidissimae purgationis, copiosissimi luminis, absolutaeque perfectionis fit particeps.

perfectae perfectionis. Est enim nihil per se perfectum, non indigens universalis perfectionis, nisi perfectissimum et ante perfectum.