DUBIUM.

Sed videtur hoc esse falsum.

1. Quia sicut dicitur Sap.XIV,21 :Incommunicabilenomen, scilicet divinitatis, lapidibus et lignis imposuerunt. Ergo videtur quod nomen divinum non sit communicabile hominibus vel Angelis.

2. Praeterea, Hoc est contra fidem et philosophiam, cum non sit nisi unus

Deus : ergo non videtur, quod homines debent dici dii.

3. Praeterea, Medium est magis propinquum ultimo quam primum : sed homines vel inferiores Angeli non denominantur a superioribus Angelis, qui sunt medii inter ipsos et Deum : ergo multo minus debent denominari a Deo.

Solutio. Dicimus, quod quidam dicunt, quod hoc nomen, Deus, non habet plurale, et incongrue dicitur dii : iamen sancti ad expressionem divinae similitudinis dixerunt dii in plurali, magis volentes incongrue dici, quam non intelligi. Tamen nos possumus dicere probabilius, quod hoc nomen, Deus, potest considerari quantum ad id cui imponitur, quod est unum tantum, et sic est incommunicabile : vel quantum ad id a quo imponitur, imponitur autem a providentia : quia dicitur a AdminBookmark , , id est, video, vides, secundum Graecos. Hoc autem potest communicari non secundum quod est in primo universaliter, sed respectu aliquorum : et ideo illis est communicabile hoc nomen, Deus : nec tamen aequivoce, sed per imitationem secundum prius et posterius. Et per hoc patet solutio ad duo prima.

Ad tertium dicendum, quod Deus magis est propinquus cuilibet rei quam aliquae causae secundae, cum sit in qualibet re continens ipsam, licet medii magis propinqui sint ultimi, quantum ad gradum dignitatis : et ideo magis possunt denominari a Deo, quamvis etiam a superioribus ordinibus denominaripossunt, ut in sequenti capitulo dicetur.