BALTH. CORDERll, S. J. INTERPRETATIO.

Quando itaque dissimiles similitudines rebus spiritalibus attribuentes, concupiscentiam ipsis affingemus, divinus amor intelligendus, qui intellectu rationeque superiorem amet immaterialitatem, stabiieque sit ac constans desiderium superessentialiter purae ac impassibilis contemplationis et communionis verae sempiternae ac spiritalis, sublimissimae purissimaeque charitatis, et infallibilis pulchrificaeque venustatis. Et impotentiam accipiamus infractam animi contentionem, quae a nemine valeat conquassari, propter impermistum et immutabilem divinae pulchritudinis amorem., atque totalem in id quod vere appetendum est, propensionem. Quin et ipsammet irrationalitatem et insensibilitatem in brutis quidem animantibus, vel materiis inanimatis, rationis ac sensus proprie privationem nuncupamus ; in immaterialibus vero ac spiritualibus naturis, eminentiam ipsarum (utpote supermundialium) sermonem nostrum transeuntem, ac corporalem, et materialem, ab incorporearum istarum mentium sensu alienum, sacro prorsus modo transcendere profitemur.