DIVISIO ET EXPOSITIO TEXTUS.

Haec mysticos Theologos, etc.

In parte ista, probat positam solutionem per locum a majori, per hoc scilicet quod in describendo divinam majestatem Scriptura utitur similitudinibus dissimilibus, quod multo magis hoc potest fieri in Angelis. Et dividitur in tres partes. In prima manifestat, quod talibus similitudinibus utitur Scriptura in descriptione deitatis. In secunda repetit colligendo quod dixerat, ibi ( sig. 15), Sic omnes Theosophi. In tertia concludit propositum, ibi (sig. 15 circa medium), Nihil ergo inconsequens.

Circa primum tria facit. Primo ostendit, quod describitur Deus ex nobilibus corporibus. Secundo ostendit, quod ex mediis, ibi (sig. 14 A), Aliquando vero ex mediis. In tertia, quod ex infimis, ibi (sig. 14 B), Aliquando autem ex novissimis.Littera sic legatur : Dixit, quod Angelis adaptat Scriptura formas similitudinibus dissimiliter acceptis : nec est mirum, quia etiam nos invenimus Theologos, id est, tradentes divina, mysticos, id. est, veritatem figuris occultantes, esse circum formantes, id est, adaptantes figuraliter, haec, scilicet similitudines dissimiles declarationibus caelestium dispositionum, id est, ordinum. Et dicuntur Angeli caelestes, vel quia caelestibus praeficiuntur a Deo, et secundum Philosophos qui ponunt eos movere orbes, et secundum Augustinum qui dicit, quod " quidam eorum obsequuntur Deo ad-

" ministrando nobis, quidam vero in " movendo nubes et caeli orbes : " vel quia locus ille inter alia corpora magis eis competit. Unde dicit Damascenus, quod. " Angeli sunt loco caelestes. " Et Philosophus dicit in libro de Caelo et Mundo, quod " Philosophi et omnes " qui confitentur Deum et virtutem ejus, " posuerunt caelum locum spirituum. " Vel. etiam quia eorum ministeria in caelo distinguuntur : licet enim Deus ubique sit, tamen in caelis magis apparet ejus bonitas, ubi communicat eam per gloriam, hic vero per gratiam. Non solum dico cireu informantes Angelis, sed aliquando et, id est, etiam ipsis manifestationibus divinis, vel de thearchicis, id est, de divino principatu. AdminBookmark enim Deus, AdminBookmark princeps Graece dicitur, et

quidem, id est, certe aliquando Theologi laudant ipsam, scilicet deitatem, id est, laudando describuntur ex luminibus pretiosis, id est, nobilis naturae, scilicet supercaelestium corporum. Laudant dico ut solem justitiae. Malachiae, IV, 2 : Orietur vobis timentibus nomen meum Sol justitiae. Et hoc ideo, quia ad amorem justitiae incalescere facit, et ad ejus vias illuminat. Et aliquando laudant, ut stellam matutinam orientem in animum sancte , id est, sanctificando ipsum. Et in hoc tangitur ratio dicti : quia cum aliquis auferre nititur tenebras culpae, incipit ipsum illuminare inhabitando per gratiam. Apoca. II, 28 : Dabo illi stellam matutinam. Et laudant illum aliquando ut lumen resplendens incircumvolute, id est, non motu circulari ut sol, sed immobilis manens cuncta lumine suo replet, et invisibiliter, scilicet visu corporali, in quo dat intelligi lucem symbolice dici de Deo, licet Augustinus contrarium dicere videatur, dicens quod " non similiter dicitur Deus lux ut lapis, " sed unum proprie, alterum per simili" tudinem : " aequivoce enim accipit lucem pro spirituali, non corporali. Joan, I, 9 : Erat lux vera. Et viii, 12 : Ego sum lux mundi.

14