EXPOSITIO TEXTUS.

Littera sic legatur : Diximus, quod Archangeli communicant cum Angelis in hoc quod accipiunt illuminationes a primis, et nuntiant eas nobis. Enim, id est, quia ipsi Angeli sicut praediximus (in cap. vD consummaut, id est, terminant dispositiones omnium caelestium animorum, id est, intellectuum, scilicet Angelorum : et hoc completive, id est, in quibus sufficienter complentur. Ipsi dico propter hoc, habentes quippe, id est, certe proprietatem angelicam, id est, nuntiandi nobis secundum quod consummandum est in caelestibus essentiis, id est, secundum quod competit his in quibus consummantur caelestes essentiae : decet enim ut ultimi in caelestibus nobis effundant, et hi qui sunt in hoc ordine aptius, id est, decentius, magis, id est,

frequentius nominati sunt apud nos, id est, a nobis, Angeli quam priores ordines, quantum etiam ipsis, id est, Angelis est, id est, convenit hierarchia, id est, hierarchiae actio in recipiendo et communicando, quantum ad consortium potestatis, et quantum magis est eis circumornatus, scilicet dona circumstantia essentiam circa id quod manifestius est nobis, posterius tamen simpliciter : enim, id est, quia quidem, id est, certe aestimandum est ut dictum est (in cap. vD excellentissimam dispositionem, id est, primam hierarchiam ordinare, reducendo secundam hierarchiam tamquam primam, scilicet proximantem primitus ordinatae, id est, primo ordine, ipsi occulto, scilicet Deo, non propter se, sed propter defectum accipientium, ita quod est clam formans, id est, occultans formationes intellectuales ab eo hauriens : quanto enim simpliciores,occultiores sunt nobis,sed magis notae secundum naturam.

Vero, id est, sed aestimandum est secundam hierarchiam quae completur a sanctis Dominationibus et Virtutibus et Potestatibus praeesse ei hierarchiae quae est, id est, convenit Principibus et ut Archangelis et Angelis quidem, id est, certe manifestius, id est, secundum manifestiorem illuminationem nobis, prima hierarchia, ablativi casus : vero, id est, sed occultius secundum nos ea hierarchia quae est post ipsam : secundum eum quod des Coli dunt illuminationes, fiunt compositiores ac notiores nobis.

Autem, id est,sed aestimandum est dispositionem, id est, hierarchiam manifestativam nobis Principatuum et Archangelorum et Angelorum praecipere instruendo, sicut Doctor praeceptor dicitur, humanis hierarchiis per consequentia, id est, per ultimas illuminationes : sunt enim aequales nostris, nisi quod differunt sicut lumen illuminantis et illuminati. Ideo autem talis est dispositio trium hierarchiarum ut sit ascensus ad Deum, quantum ad gradus quibus in ipsum itur, et conversio, quantum ad terminum a quo incipit motus in ipsum, et communicatio, quantum ad motum in Deum quo dona ipsius participantur, et unitas, quantum ad terminum a quo perficitur motus in Deum, quantum ad perfectam assimilationem, ut, hoc dico, sit per ordinem, dum, prima plus accipiunt et proportionaliter tamen secundum receptionem secundarum, et sic inde. Equidem, id est, certe secundum hunc modum processio illuminationum est optime indita a Deo omnibus hierarchiis, quantum ad decentem ordinem procedendi, et est superveniens, id est, a superiori in eas descendens communicative, idest, ut possit aliis communicare, quantum ad consortium potestatis, et superveniens cum, sa-Gratissimo ornatu, id est, cum sacris donis ornantibus, quantum ad similitudinem doni.

Inde, id est, propter hoc quod Angeli manifestius recipiunt, Theologia, id est, sacra Scriptura, distribuit, id est, distributam dicit nostram, hierarchiam Angelis ad illuminandum singulos divisim. Ipsa dico nominans (Daniel. x, 13) Michaelem principem populi Judaeorum, et alios diversos diversarum gentium, cum faciat ibi mentionem de

principe Persarum. Enim, id est, quia Excelsus, id est, Deus statuit terminos gentium secundum numerum Angelorum Dei. (Deut. xxxii, 8). Nostra littera habet," Juxta numerum filiorum Israel. "

Sed videtur hoc esse falsum : Aut enim accipit terminos personales, secundum quos statuuntur Angeli, et sic cum possint quandoque plures homines esse in mundo quam modo sint, videtur quod secundum generationem vel corruptionem hominum creentur de novo vel corrumpantur Angeli. Aut accipit terminos multitudinis, et sic non essent plures Angeli quam sint gentes in mundo : et patet esse inconveniens per id quod determinat Dionysius in penultimo hujus operis.

Et dicendum, quod pro utrisque terminis accipi debet : nec dicuntur tot esse Angeli quot sunt homines vel gentes, sed quod secundum numerum hominum statuuntur Angeli ad custodiam eorum : et ita dicimus, quod non omnes qui sunt in ultimo ordine, semper constituuntur ad custodiam, sed quandoque plures, quandoque pauciores, secundum quod exigit hominum multitudo.

4