EXPOSITIO TEXTUS.

B. Ergo sanctae dispositiones, etc.

Ergo sanctae dispositiones, id est, ordines caelestium essentiarum, id est, Angelorum, sunt factae in participatione traditionis hierarchiae, id. est, per hoc quod participant dona hierarchica tradita eis a Deo, sunt dico factae super ea quae tantum sunt, id est, inanimata, nullam nobilem conditionem super esse habentia, ut lapides : et super viventia irrationabiliter, sicut plantae et bruta : que, id est, et super rationalia secundum nos, idfest, super ea quae habent rationem per modum nostrum : enim, id est, quia ipsae caelestes essentiae formantes, id est, conformantes seipsas : et hoc referatur ad conatum, quia aliter idem esset agens et actum : in imitationem divinam invisibiliter, ita quod privetur corporalis, et ponatur visus spiritualis : et adspicientes supermundane, id est, super modum quo nos adspicimus in hoc mundo, ad divinam similitudinem, sicut ad desideratum, et

appetentes formare, id. est, illi conformare suam speciem intellectualem, id est, speciositatern intellectualis naturae : non enim potest exponi sicut dicitur, quod intellectus est species intelligibilium, ut a quo habent tale esse, sic intellectus non est species eorum quae sunt supra virtutem sui luminis, id est, divinorum de quibus hic loquitur. Sic dico appetentes, adspicientes, et formantes habent pulchre, id est, decenter sibi copiosiores, id est, plures communiones ad eam, scilicet divinam similitudinem, id est, plura ab ea communicant. Et ipsae quidem sunt attendentes, id est, attingentes omnem vitam, quia intellectualem : sicut enim dicit Philosophus, " Plantae non " habent animam, sed partem partis ani-" mae deficiendo a rationali, in qua est " perfecta ratio animae : " eo quod habet operationem naturae in motu corporis et intellectivam vim ex natura sua, et dominium in regimine naturae : et ideo in Angelis dicitur tota ratio vitae : quia aliorum vita est per defectum a sua : et ipsi eminenter habent quae sunt aliorum, ut supra ostensum est. Ergo ex quo super alia sunt, ipsae scilicet caelestes essentiae primo, quia super alia, ei multipliciter propter copiam receptorum, et semper, propter perfectionem in ipsis, sunt intentae, per adspectum ad summum, scilicet Deum, quantum fas est, id est, quantum possibile est ipsis,:Intentae dico in conformatione amoris divini quantum ad objectum, et inflexibilis propter firman adhaesionem : est enim illa visio amati pascens : et sunt recipientes illuminationes principales, id est, divinas in mentem immaterialiter, id est, sine materia et conditionibus ejus, ut sensitivae virtutes accipiunt, et pure, id. est, sine continuo et tempore ut intellectus noster accipit, et sunt ordinatae ad ipsas, scilicet illuminationes, id est, per ordinem hierarchicum recipientes : ei sunt habentes intellectualem omnem vitam, id est, quae est tota et perfecta vita.

YUBIUM

Sed videtur., quod hoc sit falsum :

i. Vita enim est continuus actus animae in corpus : ergo non convenit Angelis.

2. Praeterea, Non habent vitam vegetabilem : ergo non habent omnem vitam.

Et dicendum ad primum, quod haec est diffinitio vitae prout est in nobis : in Angelis autem est vita per actum intelligendi, ex virtute ejus quo est ipsorum.

Ad aliud dicendum, ut dictum est, quod vegetabilia non habent perfectam vitam. Unde dicit Gregorius : " Quaedam " vivunt non per animam, sed per viro-" rem : " id autem quod participant de vita imperfecte, est in Angelis eminenter.

4