ANTIQUA TRANSLATIO.

A. Itaque per alium dictum venientem in alium Angelum auditum, symbolum faciemus a longe superperfecte et per processionem occultae in sequentia perfectionis. Nam sapientes circa sacras nostras immolationes aiunt per seipsas lucentes divinorum plenitudines, per alias contemplativarum participationum perfectiores esse, Sic aestimo et angelicorum ordinum immediatam participationem primo in Deum extentorum perfectionem esse per medietatem perfectorum. Propter quod et a nostra sacerdotali traditione perfectivae et lucificae et purgativae virtutes primi intellectus nominantur, inferiorum tamquam per se in omnium superessentiale principium reductorum, et mysticarum purgationum et illuminationum et perfectionum in participatione, secundum quoad eis fas, factorum.

B. Hoc enim est omnino divina ordinatione divinitus promulgatum, per prima secunda divinis participare illuminationibus.