DIVISIO ET EXPOSITIO TEXTUS.

B.Sed itaque et hoc intelligere oportet, etc.

Superius posuerat instantiam ad objectiones supra positas, assignans causas propter quas inconvenientia non sequuntur, in parte ista incipit solvere objectiones. Et est solutio sua haec : quia cum nihil sit expers participatione boni, unumquodque quantumcumque vile videatur, habet nobiles proprietates quibus spiritualia potest repraesentare,

Et dividitur ista pars in tres. In prima ponit dictam solutionem. In secunda manifestat exemplis, ibi (g 9 circa finem), Etenim furor, etc. In tertia redit ad solutionem, concludendo eam ut manifestam ex dictis, ibi (g 12), Est itaque, etc. In prima parte tria dicit. In prima dicit, quod nihil est privatum universaliter participatione boni. Secundo probat per auctoritatem, ibi (sig. 9), Siquidem eloquia. In tertia concludit propositum, ibi (sig. 11), Cum vero.

Littera sic legatur. Posuimus causas propter quas praedicta inconvenientia non sequuntur, sed quia restat solvere ad objectiones, itaque et, id est, etiam oportet intelligere hoc, nihil de numero eorum quae sunt, esse privatum universaliter, id est, in toto participatione boni.