DIVISIO ET EXPOSITIO TEXTUS.

B. Sed quoniam iterum, etc.

Hic determinat de his quae circumstant corpus. Et primo de vestibus. Secundo, de instrumentis, ibi, Virgas etiam.

Circa primum iterum ponit causam determinationis hujus. Secundo incipit determinare, ibi, Claram quidem.Littera sic legatur : Sed quoniam sophia, id est, Theologia simpla, quantum ad signata, et multum varia, quantum ad. signa : quia per multa signa idem demonstrat. Iterum postquam descripsit eos ut nudos, et, id est,etiam vestit quos prius descripserat nudos, et dat ipsis circumferre quaedam vasa, id est, organa quibus continetur totum artificium sicut aliquid in vase. Quoniam, inquam, ita est, et da , id est, eia, adverbium hortandi, aperiamus, ostendendo quid significent, secundum quod possibile est nobis, sacros amictus, id est, vestes, et organa, id est, instrumenta caelestium animorum, id est, Angelorum.

Claram quidem. Hic incipit determinare de vestibus. Et primo in communi. Secundo in speciali, ibi, Sacerdotalem,

Littera sic legatur : Enim, id est, quia quidem, id est, certe aestimo claram vestem eorum, que, id est, et igneam, ut claram referatur ad participationem luminis in se, igneam ad consumptionem noxiorum in aliis. Hoc dico significare deiforme eorum juxta imaginem, id est, similitudinem ignis adductam, scilicet proprietates prius positas, et significat etiam luculentum, id est, lumen intellectus eorum propter lucem ignis : et etiam significantur in ea Angeli propter eas quietes Angelorum, quae scilicet sunt in caelo, quantum ad locum congruentem contemplationi, non quod tantum in caelo quiescant in divina contemplatione, sicut etiam ignis est quiescere in superiori lo- co, ubi, scilicet in caelo empyreo, dicendum est esse lumen, et, id est, etiam lumen omnino invisibile corporali visu : et hoc est aut intellectualiter illuminans secundum quod est in superioribus, aut intellectualiter illuminatum, id est, ab alio intellectu alterius infusum.

Sacerdotalem vero. Hic descendit ad vestem in speciali. Et primo determinat de veste tota. Secundo, de parte vestis, ibi, Zonas quoque.

Littera sic legatur : Vero, id est, sed aestimo sacerdotalem vestem, in qua Angeli apparent, ut dicitur Ezech. IX, 2, quod apparuit vir vestitus lineis. Hoc dico significare ductivum, id est, quae ducunt ad speculamina, id est, speculationes, divina quantum ad objectum, et mystica, quantum ad. altitudinem objecti, quod a quolibet creato intellectu manet incomprehensum et incognitum secundum aliquid, et significare etiam totius vitae votum, id est, quod totam vitam suam quasi vovendo deputant ad divina mysteria. Haec duo sunt sacerdotum, unum quantum ad intellectum, alterum quantum ad vitam sive affectum, ut in toto divini sint. Quoque, id est, etiam aestimo zonas in quibus apparent, ut Apoc. 1, 13, significare custoditivum ipsarum faecundarum, id est, generativarum virtutum. Zona enim circumponitur lumbis, in quibus est generativa virtus : unde significat in Angelis confirmationem virtutum, quibus inferiores specialiter fecundant, et significat etiam habitum luminis divini receptivum, congregantem eas, scilicet virtutes, et converti unite in seipsum, sicut zona retinet vestes ne defluant, et congregat eas etiam ad ipsum qui cingitur, et significant etiam Angelum circumferri circa seipsum circulariter per considerationem sui, a similitudine naturae : quia ejus natura non constat ex dissimilibus, in quo continuatur circulo, cujus circumferentia est aeque distans a centro : et hoc cum facilitate casa carente. Zona enim in circuitu ambit et componit vestes ne

impediant motum, quae etiam si dilaberentur, possent occurrendo pedibus facere casum : et ideo significat sui ipsorum contemplationem confirmatam et faci-

8